Éva Novák akiris medicinan diplomon en Medicina Universitato de Budapeŝto en 1953. Ŝi edziniĝis sekrete en 1952 al belgo, samtempe ŝi ricevis belgan ŝtatanecon. Ekde la sekva jaro ili vivis en Bruselo, kie ŝi akiris pliajn medicinajn diplomojn kaj laboris kiel okulkuracisto. Ŝi ricevis krom la sportaj premioj ŝtatan hungaran premion en 1951. Post la vidviniĝo ŝi ofte revizitis Hungarion kaj ŝi estis entombigita en Budapeŝto.
Sporta kariero
Éva Novák inter 1942-1954 estis naĝisto en ĉefurbaj sportkluboj. Ŝi estis hungara ĉampiono 15-foje (1944-1953), dum ŝi apartenis al la hungara nacia teamo inter 1947-1953. Ŝi estis olimpiano en Hungario en la Somera Olimpiko 1948 kaj Hungario en la Somera Olimpiko 1952 kun bronza, du arĝentaj kaj ora medaloj, krome ŝi naĝis individue aŭ teame mondrekordojn inter 1950-1952. Ŝi finis sian aktivan sportan karieron en 1958.
