Atani n ti kpa Alizumma bin din gbaai kurug'ayopɔin ni labi hali ni kurug'ata ni labi.
Di nia jia
Shikuru ŋɔ nia jia nyɛla di kpɛ n taɣili Gana Karim baŋsim Tuma yaɣili nia jia ni shɛli puuni n niŋ kpaŋmaŋa m bo anfaani karim baŋsim n ti Gana nima ban bɛ lala karim yaɣili ŋɔ ka di sɔn tuhi baligi fakari ka kpaŋsi salo bɛrisuŋ.
Di nia waɣinlli
Shikuru ŋↄ nia waɣinli nyεla di niŋ kpaŋmaŋa m bↄ wuhirisuŋ n ti karimbihi din yɛn chε ka bε ti lεε sↄhibiεɣuni shikuru kara ni niriba ka lan chε ka shikuru baŋsim niŋ bayana n ti sokam.
Bɛ ni kpuɣiri bi' shɛba
Shikuru ŋɔ kpuɣiri dabba mini paɣaba zaa.
Bɛ ni kpuɣiri bɛ shikurubihi shɛm
Bɛ kpuɣirila shikurukbihi pala yuuni kam ka di doli computer tabibi ka be Ghana Eduacation Service fukumsi ni. Lala maʒini ŋɔ tumdimi n-doli zahimbu shɛhira gban' shɛŋa bɛ ni kpɛhi ka di yuli booni Basic Education Certificate Examination (B.E.C.E). Lala zahimbu maa nyɛla bɛ ni kpari shɛli tiri dunia yaɣa Junior high shikuruti. Lala zahimbu gbana ŋɔ bela West African Examination Council (WAEC) ka doli karimbakpamba ban be Junior High School tingbani ŋɔ ni. Computer yi pii shikurubihi ŋɔ naai, Ghana Education Service nima gba yɛn laɣim la yuya ŋɔ n-zaŋ li ti shikuruti. Lala yuya ŋɔ yɛn tabilila shikuriti da'paɣa zuɣu ka sokam tooi nya. Soli lahi beni n-ti tiŋduyanima ban bɔri ni bɛ kpe shikuru maa ni, din ŋuna shikuru maa maŋmaŋa n-yɛn zahim ba. Shikurubihi ban yi Senior High School shɛŋa bee ban na kuli pili Senior High School ka bɔri ni bɛ tuɣi bɛ Karim shikuru maa ni gba ni tooi nya shikuru maa "administration". Bɛ yi kpuɣi shikurubia naai, bɛ ni ti o shikuru maa bukubila. Lala buku ŋɔ ni sɔŋ shikurubihi pala ka bɛ baŋ shikuru maa soya ni di zalisi zaa. Bɛ lahi zaŋdi bɛ zaŋsim niŋdi tiŋduya karimbihi ban bɔri ni bɛ kana ti bɔhim shikuru maa ni, dini nyɛ bɛ yɛn zahim ba mi m-bɔhi ba bɔhi shɛŋa shikurunima maa maŋmaŋ ni mali, din yɛn niŋ ka bɛ gba tooi kuli nya soli kpena bɛ shikuru maa puuni nti bɔhim.
Taarihi
Kalipohin Senior High School nyɛla shikuru shɛli din bɛ Tamali tiŋpuuni, Sagnarigu yaɣili. Di bala daansi ni fɔŋ yuli booni Kalipohin Estates. Shikuru ŋɔ daa kpala yuuni 1991. Di kpabu daliri daa chaŋmi ti dolila yuuni 1987 bɛ ni daa yina ni bɛ ti labi bo malizali zaŋ chaŋ ti karimbaŋsim bobu tiŋgbani ŋɔ ni din yɛn chɛ ka di niŋ yaa ka niŋ karimbaŋsim bobu bayana n ti sokam Gana puuni. Shikuru maa tuma nyɛla di kpuɣi ka zali baŋdiba, ban yɛla ne nini ni karimbanima ban mali nimmɔhi m-pahi kpuɣi Basic Education Certificate Examination (B.E.C.E) bihi ban yina ni kalinli dibaayɔbu (6) hali ni pihita (30) ka lee che ka bɛ nya baŋsim pariga,
Tuma
wumsibu mini shikuru biɛhisi ni shɛhiranima n-yiri karimba chirichi ni kpaŋmaŋanima ni din ni che ka bɛ (shikurubihi) nyɛ soli n-kpe karimdu' kara ni nti tuɣi bɛ bɔhimbu n-nyɛ yiko shɛli Ghana tingbani ni bɔra. Kalpohin Senior High School niyanima n-nyɛ li ni di bɔ baŋsim n-ti ban yi Basic shikuruti ni na balantee B.E.C.E karimbikura, ka che ka bɛ deei shɛhira maŋa, din ni tuɣi bɔhimbu karimzɔŋ kara ni din yɛn lɛbigi ba ka bɛ kpaŋsiri biɛhigu, daabilim zoosim din nyɛ fakari tuhibu.[3][4].
Baŋsim yaɣ'shɛŋa di ni wuhira
Kalpohin Senior High School nyɛla shikuru shɛli din wuhiri baŋsim bɔmma yaɣa ka di zooi pam, di shɛŋa n-nyɛ;
Home Economics
Biology, Management in Living, Food and Nutrition, Economics, Clothing and Textiles, Chemistry and Physics.
General Arts
Economics, Government, History, Literature in English, Geography, Dagbani, Islamic Religious Studies, Christian Religious Studies and Elective Mathematics.
General Agriculture
General Agriculture, Elective Mathematics, Chemistry, Physics, Animal Husbandry and Crop Husbandry and Horticulture
Business
Elective Mathematics, Business Management, Financial Accounting , Costing and Economics
Visual Arts
Leather work, General Knowledge in Arts, Graphic Design, Textiles, Sculpture and Biology
