George Yaw Gyan-Baffour (bɛ dɔɣi o la Anashaara goli 27 March 1951)[1] ka o nyɛ "Ghanaiandevelopment economist" mini siyaasa nira. O daa nyɛla jintɔri kuro n zaŋ ti Wenchi constituency bini din gbaai yuuni 2005 zaŋ chaŋ yuuni 2021. O daa nyɛla baŋdi kuɣinli n wuhiri Howard University din be Washington, D.C., bini din gbaai yuuni 1993 zaŋ chaŋ yuui 2001. O nyɛla New Patriotic Party nira mini "Minister of Planning" kuro zaŋ ti Ghana.
O piligu mini shikuru karimbu
Bɛ dɔɣi la Gyan-Baffour Wenchi din be Brong Ahafo Region, Ghana. O chaŋ la shikuru University of Ghana n-ti naai ni "Bachelor of Arts degree" din nyɛ daabiligu yaɣili dini.[2] O daa tirisi tooni n chaŋ "Helsinki School of Economics" din be Finland n daa ti karim deei "Diploma in Economics". Din nyaaŋa o daa deei o "master's degree" mini "Doctor of Philosophy degrees" saha shɛli o ni daa chaŋ University of Wisconsin, Madison.[2][3] O mali la "post doctoral diploma" shɛhira gbɔŋ shɛli o ni deei Harvard University.[4]
Tuma
George Gyan-Baffour daa nyɛla "management" baŋda n be Howard University bini din gbaai yuuni 1993 zaŋ chaŋ yuuni 2001.[4] New Patriotic Party ni daa di nasara yuuni 2000 piibupiibu ni nyaaŋa, O daa labi na Ghana ka John Kufour daa ti piigi o "Director General of the National Development Planning Commission" yuuni 2002.[2][5][6] Lala saha ŋɔ ni ka o daa pili lihibu mini vihigu din zahindi tiŋgbani lɛbiginsim. O daa zani n lihi "Coordinated Program for the Economic and Social Development" zaŋ ti Ghana.[6]
Siyaasa biɛhigu
O wuɣi la o nuu ka cje lala zaashee ŋɔ yuuni 2004 ni o siyaasa niya niŋ tabata. Lala yuuni maa, o daa zani m-bɔ Wenchi constituensi jintɔri tali piibu piibu n-ti New Patriotic Party. O daa di lala piibupiibu maa ka daa lahi doli nyaaŋa n-di yuma ata piibupiibu din daa doli na: 2008, 2012 ni 2016. Bɛ daa piigi o la "Deputy Minister for Finance and Economic Planning" Anashaara goli March 2005 zaŋ chaŋ Anashaara goli December 2008, tiŋgbani zuɣulana Kufour n daa piigi o.[6]
Yuuni 2015, o daa yina ti tuho "Mahama administration's plan" ka yɛli gɔmnanti yihi o nuu ka che International Monetary Fund.[7] O daa mali la tahama ni tiŋgbani maa ni tooi nya faako ni miisim din bɛni ma di yi niŋ ka bɛ di samli bɛ maŋmaŋa puuni.[7]
2004 piibupiibu
Gyan-Baffour daa niŋ la jintɔri tuuli Wenchi constituensi saha shɛli bɛ ni daa nam li Wenchi East mini Wenchi West constituensi nima puuni.[8][9] Bɛ daa labi n piigi o yuuni 2004 Ghana piibupiibu ni.[8][9] O daa zani n-ti o piibupiibu yaɣili maa "4th parliament of the 4th republic of Ghana".[10] Bɛ daa piigi o mi ni vooti kalinli tuhi pia ni anii, ni kɔbigu ni pihinii ni ata (18,183 votes) vooti kalinli tuhi pihita ni ata , ni kɔbisinii ni ayɔbu puuni (33,806) vooti kalinli din daa niŋ puuni.[8][9] Di daa zanimi n-ti vaabu 53.8% zaani vooti kalinli din daa niŋ puuni.[8][9] Bɛ daa piigi o mi ka che Abdul-Latif Umar Abdullah ŋun daa zani n-ti "Convention People's Party", Alhaji Alhassan Bene ŋun daa zani n-ti Every Ghanaian Living Everywhere Party mini Osei Kwadwo Hayford ŋun daa zani o gama zuɣu.[8][9] Bɛ zaa yino kam daa nyɛla vooti kalinli 1,286votes, 7,669votes ni 6,668 votes zaŋ doli taba vooti kalinli din daa niŋ maa puuni.[8][9] Di zaa yini kam daa zanimi n-ti vaabu 3.8%, 22.7% ni 19.7% zaaniu vooti kalinli din daa niŋ maa puuni.[8][9] Gyan-Baffour daa di mi n-ti New Patriotic Party.[8][9] O piibupiibu yaɣili maa daa be la kuɣisi pia ni anahi New Patriotic Party ni daa di kuɣisi pishi ni anahi puuni Brong Ahafo Region, Ghana.[11][12] Di jia ŋmaabu, New Patriotic Party n daa di kuɣisi pam din kalinli daa yiɣisi kɔbigu ni pihita ayi kani kuɣisi kɔbishii ni pihita puuni "4th parliament of the 4th republic of Ghana".[12]
2008 piibupiibu
Gyan-Baffour daa lahi labi di jintɔri tali Wenchi constituensi yuuni 2008 Ghana piibupiibu ni.[13][14] Di saha o daa lahi zani n-ti "5th parliament of the 4th republic of Ghana".[10] Bɛ daa piigi o mi ni vooti kalinli tuhi pia ni anii, ni kɔbisinu ni pia ni ayɔbu (18,516votes) vooti kalinli (32,573) puuni.[13][14] Di daa zanimi n-ti vaabu 56.84%.[13][14] Bɛ daa piigi o mi ka che Yaw Osei Agyei ŋun daa zani n-ti National Democratic Congress, Akotia Kwaky Thompson ŋun daa zani n-ti Democratic Freedom Party mini Abdul-Latif Omaru Abdullay ŋun daa zani n-ti Convention People's Party.[13][14] Bɛ zaa yini kam daa nyɛla vooti kalinli tuhi pia ni ata, ni kɔbisinu anun kani (13,495votes), (284 votes) n-ti pahi (278votes) zaŋ doli taba vooti kalinli din daa niŋ maa puuni.[13][14] Di daa zanimi n-ti vaabu 41.43%, 0.87% ni 0.85% zaani vooti kalinli din daa niŋ puuni.[13][14] New Patriotic PartyG yaɣili ka bɛ daa piigi yan-Baffour.[13][14] O kuɣu maa daa be la kuɣisi pia ni ayɔbu New Patriotic Party ni daa di kuɣisi pishi ni anhi puuni Brong Ahafo Region, Ghana.[15] New Patriotic Party n daa di kuɣisi bɛla din kalinli daa yiɣisi kɔbigu ni ayopɔin kuɣisi kɔbishii ni pihita puuni "5th parliament of the 4th republic of Ghana".[12]
2012 piibupiibu
Yuuni 2012 ppiibupiibu ni, Gyan-Baffour daa nyɛla vooti vaabu 50.83% vooti kalinli din daa niŋ dɛdɛ puuni, ka daa di Yaw Osei Agyei ŋun daa zani n-ti National Democratic Congress, Ebenezer Gyimah Koomson ŋun daa zani n-ti Progressive Peoples' Party ni Jacob Steve Kojo Akasampah Gyan ŋun daa zani n-ti National Democratic Party.[5][16]
Jintɔri tali komitii nima
O ni nyɛ "economist", Gyan-Baffour kpe la komitii nima din mali bukaata ni o yaɣili ma. Din nima n-nyɛ: Special Budget Committee; Trade, Industry and Tourism Committee; Education Committee; Poverty Reduction Committee; ni "acting chair" zaŋ ti Special Budget Committee.[3][6]
Minista tali piibupiibu
Anashaara goli 12 January 2017, tiŋgbani zuɣulana Nana Akuffo-Addo daa piigi o la minisita n-ti "planning".[17] Tiŋgbani zuɣulan booni o la "economist ŋun mali jilima ni baŋsim din din dɛdɛ ni ŋun nyɛ National Development Planning Commission kuro".[18] O daa deei la liɣiri di ni daa niŋ o lɛbigi New Patriotic Party piibupiibu lahabali gbɔŋ n-ti din ni tooi zaŋ tum tuma, ka tooi che ka tiŋgbani lɛbigibu niŋ tabata.[18][19]
Bɔhisi bɔhibu mini pɔri pɔ n kpe jina duu
"Appointments Committee" zaŋ ti jintɔri duu daa niŋ o vihigu Anashaara goli February yuuni 2017. O bɔhisi maa ni, o daa yɛli "committee" maa ni Ghana bi bɔri yuun pihinahi lɛbiginsim plaŋ pirim la di ni nya din kpaŋsiri luɣi yini zaa la.[20][7] Komitii maa daa piigi o di ni daa niŋ ka o mali nahingbana din ni tooi zani lala zaashee ŋɔ.[21] Tiŋgbani zu!ɣulana Akuffo-Addo daa che ka o pɔ pɔri Anashaara goli 11 February yuuni 2017.[22]
↑ 9.09.19.29.39.49.59.69.7Elections 2004; Ghana's Parliamentary and Presidential Elections. Accra: Electoral Commission of Ghana; Friedrich Ebert Stiftung. November 2005. p. 138.
