Uchelwr yn y Canol Oesoedd a mab yr enwog William Marshal, Iarll 1af Penfro oedd William Marshal, 2il Iarll Penfro (Ffrangeg:Guillaume) (1190 – 6 Ebrill 1231).
Yng ngwanwyn 1190, yn Normandi, Ffrainc y ganwyd William (neu Guillaume). Fe'i rhoddwyd yn wystl i John, brenin Lloegr rhwng 1205 a 1212 er mwyn sicrhau y byddai ei dad (hefyd William Marshal) yn bihafio gan fod gan hwnnw gysylltiad â Philippe II, brenin Ffrainc.
Priododd ag Alice de Bethune, merch Baldwin de Bethune a oedd yn ffrind agos i'w dad, ym mis Medi 1214 ond bu farw hithau cyn diwedd 1215. Yn 1224 priododd Eleanor, merch ieuengaf brenin John o Loegr a chwaer Siwan, gwraig Llywelyn Fawr.
