Chwaraewr snwcer o Gymru oedd Terry Griffiths (16 Hydref 1947 – 1 Rhagfyr 2024).[1]
Cafodd ei eni yn Llanelli. Cyn troi yn chwaraewr snwcer proffesiynol yn 1978 roedd yn bostman yn y dre a gwerthwr yswiriant. O fewn blwyddyn ennillodd pencampwriaeth y byd yn 1979, a gynhaliwyd yn y Crucible yn Sheffield. Curodd Eddie Charlton yn y rownd gyn-derfynol a Dennis Taylor yn y rownd derfynol. O ganlyniad ef oedd y chwaraewr cyntaf erioed i ennill Pencampwriaeth Snwcer y Byd a oedd wedi dechrau'r bencampwriaeth yn y rowndiau rhagbrofol.
Roedd yn rhedeg ei glwb snwcer ei hun yn Llanelli a Chaerfyrddin a bu'n hyfforddi Mark Williams, Stephen Hendry a Matthew Stevens. Ar ôl ymddeol o’r gamp, daeth yn sylwebydd a dadansoddwr gyda’r BBC.
Bywyd personol
Roedd yn briod ag Annette ac roedd ganddynt ddau fab, Wayne a Darren.[2]
Bu farw yn 77 mlwydd oed wedi dioddef ers rhai blynyddoedd o dementia.[3] Cynhaliwyd ei angladd yn Llanelli ar 23 Rhagfyr 2024.[4]
Cyfeiriadau
.jpg)
