Mae Santander yn ddinas a phorthladd ar arfordir gogleddol Sbaen; prifddinas cymuned ymreolaethol Cantabria. Roedd y boblogaeth yn 182,926 yn 2006, traean o holl boblogaeth Cantabria.
Mae'r ddinas yn dyddio o'r cyfnod Rhufeinig, pan oedd yn dwyn yr enw Portus Victoriae Iuliobrigensium. Yn yr 8g sefydlodd Alfonso III, brenin León, abaty yma. Mae yno faes awyr, a hefyd wasanaeth fferi i Plymouth yn Lloegr.
