Sam Edwards

Sam Edwards
Ganwyd1 Chwefror 1928 Edit this on Wikidata
Abertawe Edit this on Wikidata
Bu farw7 Mai 2015 Edit this on Wikidata
Caergrawnt Edit this on Wikidata
DinasyddiaethBaner Cymru Cymru
Alma mater
ymgynghorydd y doethor
  • Julian Schwinger Edit this on Wikidata
Galwedigaethffisegydd damcaniaethol, academydd, ffisegydd, golygydd Edit this on Wikidata
Cyflogwr
Gwobr/auCymrawd y Gymdeithas Frenhinol, Medal Brenhinol, Gwobr Boltzmann, Ehrendoktor der Universität Tel Aviv, doethur anrhydeddus Prifysgol Caeredin, Doethor Anrhydeddus Prifysgol Caergrawnt, Cymrawd Cymdeithas Ffiseg America, Medal Davy, Medal a Gwobr Maxwell, ICTP Dirac Medal, Cymrawd Cymdeithas Ddysgedig Cymru, Guthrie Medal and Prize, honorary doctor of the University of Bath, honorary doctor of Johannes Gutenberg University Mainz, Polymer Physics Prize Edit this on Wikidata

Ffisegydd o Gymru oedd Syr Samuel Frederick Edwards, FLSW FRS (1 Chwefror 1928 - 7 Mai 2015),[1] a adnabuwyd yn gyffredinol fel "Sam".[2]

Bywyd cynnar ac addysg

Ganed Syr Samuel ar 1 Chwefror 1928 yn Abertawe, yn fab i Richard a Mary Jane Edwards. Fe'i haddysgwyd yn Ysgol Esgob Gore, Abertawe, a Choleg Gonville a Caius, Caergrawnt, Prifysgol Manceinion, ac ym Mhrifysgol Harvard, yn yr Unol Daleithiau. Ysgrifennodd ei draethawd ymchwil dan Julian Schwinger ar strwythur yr electron, ac wedyn datblygodd y ffurf annatod swyddogaethol o theori maes.[1]

Ymchwil academaidd

Dechreuodd gwaith Edwards mewn ffiseg mater cyddwysedig ym 1958 gyda phapur [cyhoeddiadau 1] a oedd yn dangos y gallai priodweddau ystadegol systemau afreolus (gwydr, geliau ac ati) cael eu disgrifio trwy ddiagram Fenyman a dulliau llwybr integredig a dyfeisiwyd mewn theori maes cwantwm. Daeth ei bapur seminar [cyhoeddiadau 2] ym 1965 a sefydlodd mewn un strôc y ddealltwriaeth feintiol fodern o fater polymer [2] yn sail i Pierre-Gilles de Gennes ymestyn gwaith arloesol Edwards o 1965, gan arwain at Wobr Nobel 1991 i de Gennes mewn Ffiseg.[2]

Daeth theori Doi-Edwards o glud-elastigedd toddiant polymer yn wreiddiol o gyhoeddiad gan Edwards ym 1967 [cyhoeddiadau 3]. Estynnwyd yr ymchwil gan de Gennes ym 1971 a chafodd ei ffurfioli wedyn trwy gyfres o gyhoeddiadau gan Edwards a Masao Doi yn niwedd y 1970au.[2]

Gweithgareddau gweinyddol a chydnabyddiaeth broffesiynol

Bu'n Gadeirydd y Cyngor Ymchwil Gwyddoniaeth rhwng 1973-1977 a rhwng 1984-1995 roedd yn Athro Ffiseg Cavendish ym Mhrifysgol Caergrawnt. Bu'n aelod o Fwrdd Noddwyr The Bulletin of the Atomic Scientists a Llywydd Cymdeithas Caergrawnt ar gyfer Cymhwysiad Ymchwil.

Dyrchafwyd Edwards yn farchog ym 1975. Ymysg y gwobrau a gyflwynwyd iddo mae Medal Davy (1984) Medal Frenhinol y Gymdeithas Frenhinol (2001), medal Boltzmann Undeb Rhyngwladol Ffiseg Pur a Chymhwysol (1995),[3] a Medal Dirac y Ganolfan Ryngwladol ar gyfer Ffiseg Ddamcaniaethol (2005). Roedd hefyd yn Gymrawd Sylfaenol Cymdeithas Ddysgedig Cymru ac roedd ganddo radd er anrhydedd (Doethur y Gwyddorau) o Brifysgol Caerfaddon (1978).

Bywyd personol

Yn 1953 priododd Syr Sam gyda Merriell E.M. Bland, bu iddynt dair merch a mab. I ymlacio roedd yn hoffi garddio a cherddoriaeth siambr. Bu farw Syr Samuel yng Nghaergrawnt ar 7 Mai 2015.[4]

Cyhoeddiadau

  1. ↑ Edwards, S.F. (1958). "A new method for the evaluation of electric conductivity in metals" (PDF). Philosophical Magazine 3 (33): 1020–31. Bibcode 1958PMag....3.1020E. doi:10.1080/14786435808243244. Archifwyd o y gwreiddiol ar 29 September 2007. https://web.archive.org/web/20070929111346/http://fds.oup.com/www.oup.co.uk/pdf/0-19-852853-1.pdf.
  2. ↑ Edwards, S.F.. "The statistical mechanics of polymers with excluded volume". Proceedings of the Physical Society 85 (4). http://iopscience.iop.org/article/10.1088/0370-1328/85/4/301/meta.
  3. ↑ Edwards, S.F.. "The statistical mechanics of polymerized material". Proceedings of the Physical Society 92 (1): 9–16. Bibcode 1967PPS....92....9E. doi:10.1088/0370-1328/92/1/303. http://iopscience.iop.org/article/10.1088/0370-1328/92/1/303/pdf.

Cyfeiriadau

  1. ↑ 1.0 1.1 The Guardian 12 Mai 2015, The birth of soft matter physics, the physics of the everyday; adalwyd 24 Hyfref 2018
  2. ↑ 2.0 2.1 2.2 2.3 Proceedings of the National Academy of Sciences of the United States of America – Samuel Frederick Edwards: Founder of modern polymer and soft matter theory adalwyd 24 Hyfref 2018
  3. ↑ Samuel Edwards: Boltzmann Medallist 1995 adalwyd 24 Hydref 2018
  4. ↑ Cambridge University Reporter. 28 Mai 2015 Hysbysiad Marwolaeth adalwyd 24 Hydref 2018

Darllen pellach

  • Stealing the gold: a celebration of the pioneering physics of Sam Edwards, gol. Paul M. Goldbart, Nigel Goldenfeld, a David Sherrington (Rhydychen: Oxford University Press, 2004)
  • Martin Sherwood, "A man for difficult problems". New Scientist 60 (22 Tachwedd 1973): 538-9