Mae Rheilffordd Prairie Dog Central yn rheilffordd dreftadaeth sy’n mynd o Gyffordd Inkster, ger Winnipeg, Manitoba i Grosse Isle ac weithiau ymlaen at Warren. Agorwyd y rheilffordd ar 11 Gorffennaf, 1970[1]
Mae trenau’n mynd bob dydd Sadwrn, dydd Sul (a dydd Llun yn ystod gwyliau banc) o fis Mai i Fedi. Trefnir adloniant yn Grosse Isle are gyfer teithwyr. Perchnogion y rheilffordd yw’r Vintage Locomotive Society Inc sy’n elusen.[2]
Symudwyd adeiladau’r orsaf o orsaf reilffordd St James, Winnipeg ym 1999.[3]
Mae Locomotif rhif 3 yn locomotif stêm 4-4-0, adeiladwyd gan Gwmni Dübs yn Glasgow ym 1882 ar gyfer Rheilffordd Canadian Pacific. Gwerthwyd rhif 3 i ddinas Winnipeg, a defnyddiwyd i wasanaethu gorsafoedd pŵer hydro-electrig ar lannau Afon Winnipeg hyd at 1961.[4]
Mae hefyd 2 locomotif diesel EMD GP9, adeiladwyd gan General Motors[5].
