Reliques of Ancient English Poetry

Enghraifft o:	gwaith llenyddol
Awdur	Thomas Percy
Iaith	Saesneg
Dyddiad cyhoeddi	1765, 1867
Statws hawlfraint	parth cyhoeddus

Blodeugerdd Saesneg yw'r Reliques of Ancient English Poetry (y cyfeirir ato hefyd fel Reliques of Ancient Poetry neu Percy's Reliques), sy'n gasgliad o faledi a chaneuon poblogaidd gan yr Esgob Thomas Percy a gyhoeddwyd yn Llundain yn 1765. Roedd yn llyfr dylanwadol a ysbrydolodd y beirdd a llenorion Rhamantaidd, yn cynnwys Syr Walter Scott, ac a hybodd y diddordeb cynyddol mewn llenyddiaeth frodorol gynnar sy'n un o nodweddion ail hanner y 18g yng ngwledydd Prydain.

Bu Percy'n cyfathrebu ag ysgolheigion Cymraeg fel Evan Evans (Ieuan Fardd) ac eraill o gylch Morysiaid Môn. Mae'n cydnabod ei ddyled i'w "gyfaill dysgedig yng Nghymru" (sef Ieuan Fardd) yn nhrydedd gyfrol y Reliques.^[1] Cyhoeddwyd y Reliques flwyddyn ar ôl i Ieuan Fardd ei hun gyhoeddi'r gyfrol Some Specimens of the Poetry of the Antient Welsh Bards.

• archive.org, e-destun
• Y testun mewn sawl fformat, gwefan Ex-classics