Gwyddonydd amaethyddol o Loegr oedd Reginald George Stapeldon (22 Medi 1882 – 16 Medi 1960), ond a gofleidiodd Cymru am ran helaeth o'i oes. Yn Nyfnaint y cafodd ei eni, ac yng Nghaergrawnt y graddiodd. Cafodd ei benodi'n Gyfarwyddwr Bridfa Blanhigion Cymru yn 1900.
Gwair a meillion oedd ei brif faes ymchwil a daeth a bri mawr i'r fridfa yn ei dechnegau newydd i wella tir mynydd. Dywedodd Syr Reginald Dorman Smith (Gweinidog Amaeth yn 1937) i Stapeldon drwy ei ddatblygiadau gydag aredig tir yn allweddol yn ystod yr Ail Ryfel Byd, ac y bydda'r wlad wedi "llwgu i farwolaeth" heb ei gyfraniad pwysig.