Aderyn sy'n aelod o deulu'r rhydyddion yw Pibydd y Graean (Tringa glareola).
Mae Pibydd y Graean yn nythu mewn gwlyptiroedd ar draws gogledd Ewrop a gogledd Asia. Yn y gaeaf mae'n symud tua'r de ac yn gaeafu yn Affrica a de Asia, yn enwedig India. Mae'n aderyn pur debyg i'r Pibydd Gwyrdd (T. ochropus), ond mae'n fwy brown ar y cefn a'r coesau yn hirach ac yn felynach.
Nid yw Pibydd y Graean yn nythu yng Nghymru, ond gellir gweld nifer fychan yn ystod y tymhorau mudo, fel rheol o gwmpas pyllau dŵr croyw yn hytrach nag ar y traethau.
_near_Hodal_I_IMG_9550.jpg)
