Mewn geometreg solat, mae ochr (face) yn blân fflat sy'n ffurfio rhan o ffin gwrthrych solat. Mae gan wrthrych solat tri dimensiwn sawl ochr, a gelwir y gwrthrych hwn yn bolyhedron e.e. mae'r ciwb yn bolyhedron ac mae ganddo 6 ochr. Mae gan bob ochr "arwyneb" (surface).^[1][2]

Mewn geometreg elfennol, 'ochr' yw polygon ar ffin polyhedron.^[3]

Er enghraifft, mae unrhyw un o'r chwech sgwâr sy'n ffurfio ciwb yn 'ochr'. Defnyddir y gair 'ochr' hefyd am nodweddion dau-ddimensiwn polytop-4. Yn yr ystyr hwn, mae gan y teseract 4-dimensiwn 24 ochr sgwâr, pob un yn rhannu dau allan o 8 cell ciwbig.

Enghreifftiau rheolaidd yn ôl eu symbol Schläfli

Polyhedron	Polyhedron Serennog	Brithwaith Euclidaidd	Brithwaith hyperbolig	4-polytop
{4,3}	{5/2,5}	{4,4}	{4,5}	{4,3,3}
Mae gan y ciwb 3 ochr sgwâr i bob fertig.	Mae gan y dodecahedron serennog, bach 5 ochr pentagramig i bob fertig.	Yn y plân Ewclidaidd, mae gan y brithwaith sgwâr ('square tiling) 4 ochr i bob fertig.	Mae gan y brithwaith trefn-5 5 ochr i bob fertig.	Mae gan y teseract 3 ochr sgwâr i bob ymyl.