Mae Llyn Bodgylched yn llyn yn ne-ddwyrain Ynys Môn, ychydig dros 1 km i'r gogledd-orllewin o Fiwmares. Nid oes afon o unrhyw faint yn llifo ohono. Mae lefel y llyn yn cael ei gadw'n uchel gan argae bychan ar yr ochr ddeheuol.
Rhestrir y llyn fel Safle o Ddiddordeb Gwyddonol Arbennig, ar sail y planhigion sy'n tyfu yno ac ar sail yr adat sy'n nythu neu'n gaeafu yno. Saif y llyn ar dir preifat, ond gellir cael golwg arno o'r llwybr cyhoeddus sy'n arwain o'r Elusendai yn SH589764 heibio ochr ddwyreiniol y llyn.
