Merthyr Catholig a sant oedd John Jones (hefyd Griffith Jones, weithiau John Buckley Jones) (1559 – 12 Gorffennaf 1598), a aned yng Nghlynnog Fawr yn yr hen Sir Gaernarfon (Gwynedd). Ei frawd oedd William Jones, sefydlydd cwfaint Benedictaidd Cambrai.
Bywgraffiad
Ymunodd John Jones ag Urdd Sant Ffransis yn Rhufain yn 1591 a threuliodd gyfnod yn Pontoise, Ffrainc. Dychwelodd i Brydain y flwyddyn ganlynol dan gêl ond cafodd ei arestio yn Llundain yn 1594 ar gyhuddiad o fod yn offeiriad Catholig yn gweithio o blaid y Gwrth-Ddiwygiad. Cafodd ei ddienyddio trwy ei grogi, diberfeddu a'i chwarteru yn Southwark ar 12 Gorffennaf 1598.
Canoneiddio
Yn 1970 fe'i canoneiddiwyd gan y Pab Pawl VI fel un o Ddeugain Merthyr Lloegr a Chymru.
Gweler hefyd
- William Parri: cynllwynwr Catholig a Doethur yn y Gyfraith Wladol (Sifil) (m. 1585)
Cyfeiriadau
