Yr hynaf o'r naw cynulliad yn Llys y Pab yw'r Cynulliad dros Athrawiaeth y Ffydd (Lladin: Congregatio pro Doctrina Fidei, CDF). Sefydlwyd y Cynulliad dros y Chwilys Cyffredinol ar 21 Gorffennaf 1542 gan y Pab Pawl III i amddiffyn yr Eglwys yn erbyn heresi. Newidodd yr enw i Gynulliad y Swyddfa Sanctaidd ym 1908, ac yna'r Cynulliad dros Athrawiaeth y Ffydd ym 1965. Ei swyddogaeth bresennol yw i gyhoeddi ac amddiffyn athrawiaeth yr Eglwys Gatholig Rufeinig. Lleolir ei bencadlys ym Mhalas y Swyddfa Sanctaidd, y tu allan i Ddinas y Fatican ar diriogaeth Eidalaidd sy'n eiddo i Esgobaeth y Pab.
