Cyfres I'r Golau

Awdur	Amrywiol
Cyhoeddwr	Gwasg Carreg Gwalch
Gwlad	Cymru
Iaith	Cymraeg
Dyddiad cyhoeddi	1995-
Pwnc	drama
Genre	Dramâu Cymraeg
Cyfres	Cyfres I'r Golau

Cyfres o ddramâu neu gynyrchiadau theatr Cymraeg yw Cyfres I'r Golau, wedi'u cyhoeddi gan Wasg Carreg Gwalch. Lansiwyd y gyfres ym 1995, ac mae'n cynnwys nifer o gynyrchiadau nodedig y Theatr Gymraeg rhwng 1979 a'r 2010au.

Bargen (1979) gan Theatr Bara Caws oedd y dewis cyntaf, fel yr eglurodd Myrddin ap Dafydd yn ei Ragair i'r cyhoeddiad hwnnw: "...gwyddai pawb fod rhywbeth arbennig, cwbl arbennig ar droed yn y theatr Gymraeg."^[1] Dilynwyd y cynhyrchiad hwnnw gan Hwyliau'r Codi (1979) eto'n gywaith creadigol gan Bara Caws, a drama ddadleuol Meic Povey, Perthyn (1987) oedd yn cwblhau'r drioled cychwynol.

Dros y blynyddoedd, ychwanegwyd at y dewis yn achlysurol, gyda gwaith dramodwyr fel Dewi Wyn Williams, Wil Sam a T James Jones.

Panel golygyddol y gyfres, a gynullwyd gan Gwmni Hwyl A Fflag oedd Wyn WIlliams, Gareth Miles, Manon Eames, Iwan Llwyd a Myrddin ap Dafydd. Golygydd ymgynghorol y gyfres oedd Elan Closs Stephens.^[2]

Gwelir Cyfres I'r Golau fel brawd mawr i gyfres o ddramâu byrion, Cyfres Y Llwyfan gan yr un Wasg.

• Bargen (1979) Theatr Bara Caws; cyhoeddwyd 1995.
• Hwyliau'n Codi (1979) Theatr Bara Caws; cyhoeddwyd 1995.
• Perthyn (1987) Meic Povey; Cwmni Whare Teg; cyhoeddwyd 1995.
• Yn Debyg Iawn I Ti A Fi (1995) Meic Povey; Theatr Bara Caws; cyhoeddwyd 2000
• Leni (1993) Dewi Wyn Williams; Cwmni Theatr Gwynedd; cyhoeddwyd 2000
• Llifeiriau (1997) Wil Sam Jones; Theatr Bara Caws; cyhoeddwyd 2000
• Menyw a Duw yn Dial (1999) Dwy Ddrama: Dyn Eira a Y Twrch Trwyth; T James Jones; cyhoeddwyd 2000
• Peenemünde (2004) William Owen Roberts.