Ymladdwyd Brwydr Waterloo ar 18 Mehefin 1815 gerllaw pentref Waterloo yng Ngwlad Belg. Brwydrai byddin o Ffrainc, o dan arweinyddiaeth Napoleon Bonaparte, yn erbyn cynghrair byddinoedd Prydain, o dan arweinyddiaeth Dug Wellington, a Phrwsia, o dan arweinyddiaeth Gebhard Leberecht von Blücher.
Hon oedd y frwydr dyngedfennol yn ymgyrch Napoleon i adennill pŵer wedi iddo ddianc oddi ar Ynys Elba. Wedi iddo golli brwydr Waterloo fe alltudiwyd Napoleon unwaith yn rhagor, y tro hwn i ynys Sant Helena.
Codwyd Pont Waterloo ger Betws-y-Coed yn yr un flwyddyn, i gofio'r frwydr.
