- Am leoedd eraill o'r un enw, gweler Broadway (gwahaniaethu).
Pentref mawr a phlwyf sifil yn Swydd Gaerwrangon, Gorllewin Canolbarth Lloegr, ydy Broadway.[1] Fe'i lleolir yn ardal an-fetropolitan Wychavon. Saif yn ardal y Cotswolds yn ne-ddwyrain y sir, yn agos at y ffin â Swydd Gaerloyw, tua 5 milltir (8 km) i'r de-ddwyrain o dref Evesham.
Yng Nghyfrifiad 2011 roedd gan y plwyf sifil boblogaeth o 3,080.[2]
Mae gan y pentref deniadol lawer o adeiladau gwych wedi'u hadeiladu o'r garreg leol. Mae wedi dod yn atyniad i dwristiaid, gyda sawl gwesty, deliwr hen bethau, delwyr celf gain, bwytai a chaffis. Yn 2013 agorwyd cangen o Amgueddfa'r Ashmolean mewn tŷ ar y stryd fawr sy'n dyddio o'r 17g.
Oriel
-
Gwesty y Lygon Arms
-
Siopau ar y stryd fawr
-
Hen ysgol ar y stryd fawr, sy'n siop bellach
-
Tai wedi'u hadeiladu o'r garreg leol
-
Tŵr Broadway, ffug-gastell sy'n sefyll ar fryn sy'n edrych dros y pentref
Cyfeiriadau
