Asimilasi

Asimilasi marupakan suatu istilah prusis susial nang dicirii lawan adanya ihtiar nang batujuan sakira parbidaan-parbidaan di urang ka urang wan kalumpuk ka kalumpuk manusia jadi bakurang. Kata Asimilasi dijuhut matan kata Latin, assimilare nang artinya "manjadi sama". Dalam basa Indunisia Asimilasi sama lawan pambauran.[1] Asimilasi jua ihtiar gasan maninggi kasatuan gawian, sikap wan prusis mental lawan mahatiakan kapantingan wan tujuan sabarataan urang.[2] Asimilasi sadarhananya marupakan ihtiar urang atawa kalumpuk nang sabalumnya kada sama jadi sama.[3] Lamun urang manggawi asimilasi dalam suatu kalumpuk, baarita budaya urang kalumpuk ngitu takambuh. Rajin dalam prusis takambuh ngini ada bahurupan unsur-unsur budaya. Ihtiar bahurupan ngini kawa ada lamun kalumpuk tartantu manyarap kabudayaan kalumpuk nang lain.[1] Asimilasi jua ihtiar gasan maninggi kasatuan gawian, sikap wan prusis mental lawan mahatiakan kapantingan wan tujuan sabarataan urang.[2] Asimilasi sadarhananya marupakan ihtiar urang atawa kalumpuk nang sabalumnya kada sama jadi sama.[3] Prusis asimilasi cungul lamunnya ada; kalumpuk manusia nang balain budayanya saling bakawanan sacara aktip sampai budaya-budaya matan kalumpuk manusia tadi masing-masing baubah atawa manyasuaiakan.[2]

Hiwal nang mamangaruhi Asimilasi

Ada dua hiwal nang mamangaruhi asimilasi, hiwal nang manunjul wan hiwal nang mangalangi. Hiwal nang manunjul asimilasi adalah:

  1. Adanya bakawinan nang bakambuh (amalgamasi)
  2. Adanya parlakuan hukum nang sama.[3]

Adapun hiwal nang maulah nyaman tarjadinya asimilasi adalah:

  1. Toleransi;
  2. Kasampatan-kasampatan nang saimbang di danul ikunumi;
  3. Sikap mahargai urang luar wan budayanya;
  4. Sikap tabuka matan bubuhan nang bakuasa di masarakat;
  5. Parsamaan lawan unsur-unsur kabudayaan;
  6. Kawin bakambuh (amalgamasi);
  7. Ada baisi musuh di luaran.[3]

Lamun hiwal nang mangalangi asimilasi adalah:

  1. Balain ugama wan kaparcayaan
  2. Ras wan kalir kulimbit nang jauh balain antara suku nang satu lawan nang lain, nang kaya ras kulimbit putih, hirang, wan ras kulimbut kuning tabukti magun mancungulakan pulitik rasialis nang kaya di Aprika Salatan wan Amirika Sarikat.
  3. Psikologis, khususnya kalakukan nang marasa harata magun ditahani ulih bubuhan entis nang marasa bubuhannya taharat matan nang lain (golongan mayuritas).[3]

Pamandiran susial wan Asimilasi

Dalam prusis asimiliasi mustinya ada pamandiran susial, pamandiran susial ngini baisi sarat-sarat nang maampah ka suatu prusis asimilasi. Sarat-saratnya antara lain sawagai barikut:

  1. Pamandiran susial ngitu basipat pamarakan ka pihak nang lain, wan pihak lain nang jadi target pamandiran susial jua basipat pamarakan.
  2. Pamandiran susial ngitu kada baisi kakalang atawa tikas-tikas nang kaya kakalang gasan kawin bakambuh, panikas mamasuki lambaga pandidikan tartantu, wan nang lain.
  3. Pamandiran susial ngitu langsung wan primer.
  4. Wayah pamandiran susial ngitu tinggi wan magun, sarta saimbang antara pula-pula asimilasi.[2]

Jujuhutan

  1. ^ a b "Konsep Dasar ASIMILASI & AKULTURASI dalam Pembelajaran BUDAYA". scholar.googleusercontent.com. Diakses tanggal 2024-06-18. 
  2. ^ a b c d Soekantro, Soerjono; Sulitstyowati, Budi (2019). Sosiologi Suatu Pengantar. Depok: PT RAJAGRAFINDO PERSADA. hlm. 73 – 75. ISBN 978-979-769-577-4. 
  3. ^ a b c d e Mutia, M. M. (2018). Asimilasi Masyarakat pendatang dengan Masyarakat lokal. Jurnal Ilmiah Mahasiswa Fakultas Ilmu Sosial & Ilmu Politik, 3(1).