Тадэвуш Білевіч
Герб «Магіла»
Кашталян троцкі 1788
Папярэднік	Юзаф Мікалай Радзівіл
Пераемнік	Казімір Канстанцін Плятэр
Нараджэнне	каля 1728
Смерць	12 жніўня 1788(1788-08-12)
Род	Білевічы
Бацька	Аляксандр Ежы Білевіч
Маці	Ганна Ромер
Жонка	Марыяна Амелія Плятэр
Дзеці	Юзаф Тадэвуш, Алена

Тадэвуш Білевіч (каля 1728 — 12 жніўня 1788) — дзяржаўны дзеяч Вялікага Княства Літоўскага.

З роду Білевічаў, сын Аляксандра Ежы.

Вучыўся ў Караляўцы. Шамбялян двара Аўгуста III, стараста вайнюцкі, цівун эйрагольскі і вялікадырвянскі; 3 разы абіраўся дэпутатам Трыбунала Вялікага Княства Літоўскага.

У 1771 далучыўся да Барскай канфедэрацыі і стаў маршалкам жамойцкім. Разам з братам Тэадорам узначаліў рух у падтрымку барскіх канфедэратаў, пасля перайшоў на бок караля Станіслава Аўгуста Панятоўскага.

Быў паслом на соймы 1776 і 1780 (?).

Мсціслаўскі кашталян у 1783—1786 і ваявода ў 1786—1788, кашталян троцкі з 1788, член Пастаяннай Рады.

• Пазднякоў В. Білевічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 331. — 688 с. — ISBN 985-11-0314-4 (т. 1), ISBN 985-11-0315-2.