Стыў Ірвін
англ.: Steve Irwin
Дата нараджэння	22 лютага 1962(1962-02-22)[1]
Месца нараджэння	Upper Ferntree Gully[d], штат Вікторыя
Дата смерці	4 верасня 2006(2006-09-04)[2][1][…] (44 гады)
Месца смерці	Batt Reef[d], Квінсленд
Месца пахавання	Australia Zoo[d]
Грамадзянства	Аўстралія
Бацька	Bob Irwin[d]
Маці	Lyn Irwin[d]
Жонка	Terri Irwin[d]
Дзеці	Robert Irwin[d] і Bindi Irwin[d]
Род дзейнасці	сцэнарыст, тэлевядучы, журналіст, акцёр, абаронца навакольнага асяроддзя, бізнесмен, падарожнік-даследчык, герпетолаг
Навуковая сфера	прырода
Узнагароды	Queensland Australian of the Year award[d] (2004) зорка на галівудскай «Алеі славы»
Сайт	crocodilehunter.com (англ.)
Подпіс
Цытаты ў Вікіцытатніку
Медыяфайлы на Вікісховішчы

Стыў Роберт Ірвін (22 лютага 1962 — 4 верасня 2006) — папулярны аўстралійскі натураліст, тэлежурналіст і аўтар шматлікіх фільмаў аб жывой прыродзе. Уладальнік заапарка Australia Zoo у г. Бірва (Квінсленд).

Стыў Ірвін нарадзіўся ў аўстралійскім штаце Вікторыя ў 1962 годзе. Яго бацька стварыў парк рэптыліяў у штаце Квінсленд у 1970-я гады мінулага стагоддзя.

Стыў Ірвін пачынаў з таго, што з дзяцінства лавіў кракадзілаў у наваколлях Квінсленда для парка рэптылій яго бацькоў.

З 1991 года Стыў Ірвін працягнуў сямейны бізнес і неўзабаве стварыў першыя серыі фільму «Паляўнічы на кракадзілаў» («The Crocodile Hunter»), які стаў папулярным у 120 краінах свету. Упершыню праграма «Паляўнічы на кракадзілаў» выйшла ў эфір у 1992 годзе. Стыў здолеў ператварыць свой імідж бясстрашнага і поўнага запалу аматара павывучаць фаўну ў блізкім кантакце ў гандлёвую марку, і яго серыял з вялікім поспехам ішоў па канале Discovery.

Неаднаразова Ірвін трапляў у сітуацыі, калі яго жыццё літаральна вісела на валасінцы. У яго была вялікая колькасць раненняў, атрыманых пры кантактах з жывёламі.

Нягледзячы ні на што, Стыў Ірвін працягваў здымаць фільмы, сярод якіх таксама «Crok Files», «The Crocodile Hunter Diaries» («Дзённікі паляўнічага за кракадзіламі»).

4 верасня 2006 года на здымках чарговай тэлеперадачы Стыў Ірвін трагічна загінуў, атрымаўшы смяротны ўдар ската-хвастакола ў вобласць сэрца і лёгкіх.

• На Вікісховішчы ёсць медыяфайлы па тэме Стыў Ірвін
• Афіцыйны сайт тэлеперадачы «The Crocodile Hunter» і заапарка «Аўстралія» Архівавана 6 ліпеня 2011.