Рыхард Пфайфер
ням.: Richard Pfeiffer
Дата нараджэння	27 сакавіка 1858(1858-03-27)[1][2][…]
Месца нараджэння	Здуны, Гміна Здуны, Краташынскі павет, Велікапольскае ваяводства, Польшча
Дата смерці	15 верасня 1945(1945-09-15)[2][3] (87 гадоў)
Месца смерці	Лёндак-Здруй, Гміна Лёндак-Здруй, Клодзкі павет, Ніжнесілезскае ваяводства, Польшча
Грамадзянства	Германія
Род дзейнасці	біёлаг, выкладчык універсітэта, урач
Навуковая сфера	бактэрыялогія
Месца працы	Уроцлаўскі ўніверсітэт
Альма-матар	HU Berlin
Член у	Леапальдзіна Шведская каралеўская акадэмія навук Лонданскае каралеўскае таварыства
Узнагароды	замежны член Лонданскага каралеўскага таварыства[d] (21 чэрвеня 1928)
Медыяфайлы на Вікісховішчы

Ры́хард Фры́дрых Яга́нес Пфа́йфер (ням.: Richard Friedrich Johannes Pfeiffer; 27 сакавіка 1858, г. Здуны, Польшча — 15 верасня 1945) — нямецкі бактэрыёлаг, імунолаг і гігіеніст.

Пфайфер вывучаў медыцыну ў Берліне і атрымаў навуковую ступень у 1880 годзе. Затым да 1889 года ён быў ваенным урачом. У 1887—1891 гадах працаваў асістэнтам у Роберта Коха ў Берліне, дзе і абараніў доктарскую дысертацыю ў 1891 годзе.

З 1891 года прафесар Інстытута інфекцыйных хвароб у Берліне, з 1899 года — Інстытутаў гігіены ў Кёнігсбергу, у 1909—1926 гадах - у Брэславе.

Навуковыя працы па вывучэнні грыпу, малярыі, брушнога тыфу, халеры, чумы і інш., агульнай гігіене, праблемах імунітэту. Адкрыў шэраг бактэрый, апісаў (разам з інш.) бактэрыёліз халерных вібрыёнаў пад уплывам спецыфічнай імуннай сывараткі, паказаў утварэнне лізінаў пры ўвядзенні ў арганізм забітых культур бактэрый, што прывяло да выкарыстання прышчэпак супраць тыфу і халеры іх забітымі (ці аслабленымі) культурамі.

• Пфайфер Рыхард // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).