Мег Раян
англ.: Meg Ryan
Дата нараджэння	19 лістапада 1961(1961-11-19)[1][2][…] (63 гады)
Месца нараджэння	Fairfield[d], акруга Фэрфілд[d], Канектыкут, ЗША[3]
Грамадзянства	ЗША
Муж	Dennis Quaid[d]
Дзеці	Джэк Куэйд[d]
Адукацыя	Нью-Ёркскі ўніверсітэт Канектыкуцкі ўніверсітэт Bethel High School[d]
Прафесія	тэлеактрыса, кінаактрыса, актрыса, мадэль, актрыса агучвання, характарны акцёр, кінапрадзюсар, кінарэжысёр
Узнагароды	Crystal Award[d] (1995) Hasty Pudding Woman of the Year[d] (1994)
IMDb	ID 0000212
Медыяфайлы на Вікісховішчы

Мег Раян (англ.: Meg Ryan; імя пры нараджэнні — Маргарэт Мэры Эмілі Эні Хайра (англ.: Margaret Mary Emily Anne Hyra); нар. 19 лістапада 1961, Фэрфілд, Канектыкут, ЗША) — амерыканская актрыса і кінапрадзюсер.

Мег Раян нарадзілася 19 лістапада 1961 года ў Фэрфілдзе (штат Канектыкут). Яе бацька-настаўнік матэматыкі, а маці — агент па падборы акцёраў. Маці Раян, С’юзан, марыла стаць актрысай, кінула сям’ю дзеля кар’еры, пакінуўшы на выхаванне бацьку чацвярых дзяцей. Тады Мег было 15 гадоў. Пасля заканчэння сярэдняй школы ў горадзе Бетэлі ў 1979 годзе яна паступіла на факультэт журналістыкі Нью-Ёркскага ўніверсітэта.

У 1981 годзе яна дэбютавала ў апошнім фільме Джорджа К’юкара «Багатыя і знакамітыя» у ролі дачкі Кэндзіс Берген. У 1982—1984 гадах Раян грала Бэтсі Мантгомеры у серыяле «Пакуль круціцца свет».

У 1986 годзе вялікім касавым поспехам у ЗША карыстаўся фільм «Лепшы стралок», у якім галоўную ролю адыграў Том Круз. Мег у ролі жонкі другога лётчыка (Энтані Эдвардс) запомнілася ўсёй Амерыцы фразай: «Вазьмі мяне ці згубі назаўжды» (англ.: Take me to bed or lose me forever).

Сцэна з фільма «Калі Гары сустрэў Салі», у якой Гары і Салі сядзяць у рэстаране і Салі на спрэчку сімулюе аргазм, лічыцца адной з самых лепшых у кінематографе, а фраза «Мне — тое ж, што і ёй» (англ.: I’ll have what she’s having), сказаная наведвальніцай рэстарана пры выглядзе гэтай сцэны, займае 33-е месца ў спісе ста лепшых кінацытат у амерыканскім кіно.

Псеўданім Meg Ryan быў абраны як анаграма да слова Germany, улічваючы рэальнае памяншальнае імя Meg да Margaret.

14 лютага 1991 года Раян выйшла замуж за акцёра Дэніса Куэйда, з якім пачала сустракацца падчас здымак фільма «Мёртвы па прыбыцці». Іх сын, Джэк Генры Куэйд, нарадзіўся 24 красавіка 1992 года. У чэрвені 2000 года Куэйд і Раян абвясцілі аб расставанні^[4]. Іх развод быў завершаны 16 ліпеня 2001 года.

У студзені 2006 года Раян удачарыла дзяўчынку з Кітая, якую назвала Дэйзі Тру (нар. 2004)^[4].

З 2009 года, пасля няўдалай аперацыі на твары, амаль перастала здымацца ў кіно.

З 2010 года Раян знаходзіцца ў стасунках з музыкам Джонам Меленкампам. У лістападзе 2018 года пара абвясціла аб заручынах.

• Французскі пацалунак (French Kiss, 1995) (прадзюсер)
• Паўночнае ззянне (Northern Lights, 1997) (ТБ) (выканаўчы прадзюсер)
• Аблудныя душы (Lost Souls, 2000) (прадзюсер)
• Вясельны перапалох (The Wedding Planner, 2001) (выканаўчы прадзюсер)
• Шаманы пустыні (Desert Saints, 2002) (прадзюсер)

• На Вікісховішчы ёсць медыяфайлы па тэме Мег Раян