Матэматычная генеалогія

Матэматычная генеалогія
англ.: Mathematics Genealogy Project
URL //www.genealogy.ams.org/ http://www.genealogy.ams.org/
Тып сайта анлайн-база даных[d], knowledge graph[d] і crowdsourced project[d]
Мова(-ы) англійская
Аўтар Harry Coonce[d][1]
Пачатак працы 1997

Mathematics Genealogy Project (Праект «Матэматычная генеалогія») — гэта сеткавая база даных, якая выдае акадэмічны радавод канкрэтнага матэматыка, як з сучасных, так і з тых, што жылі ў мінулыя стагоддзі[2]. На 21 лютага 2020 года ў базе ўтрымліваліся звесткі пра 253485 матэматыкаў.

Матэматык X лічыцца простым акадэмічным нашчадкам матэматыка Y, калі Y быў навуковым кіраўніком кандыдацкай дысертацыі матэматыка X. Для замежных матэматыкаў замест кандыдацкай дысертацыі выкарыстоўваюцца такія яе аналагі як доктар філасофіі (Ph.D., D .Phil.) або доктар навук (Sc.D., D.Sc., Dr.Sc.). «Матэматыка» ў рамках гэтага праекта разумеецца даволі шырока і ўключае статыстыку, даследаванне аперацый, інфарматыку, логіку і (асабліва ў больш старажытнай частцы) фізіку. У рэдкіх выключэннях у базу ўключаюцца навукоўцы, якія не мелі фармальна кандыдацкай або доктарскай ступені — напрыклад, Лагранж[3].

Гісторыя

Праект працуе ў Інтэрнеце з 1997 года, калі яго заснавальніку Гары Кунцу (Harry Coonce), прафесару Універсітэта Мінесоты, захацелася даведацца навуковага кіраўніка свайго навуковага кіраўніка[4]. У 1999 годзе ён пайшоў на пенсію, і праз тры гады ўніверсітэт вырашыў закрыць праект, што прывяло да яго перадыслакацыі ва Універсітэт Паўночнай Дакоты ў 2002 годзе. Пачынаючы з 2003 года, праект ажыццяўляецца пад эгідай Амерыканскага матэматычнага таварыства, а з 2005 года падтрымліваецца грантам Матэматычнага інстытута Клэя.

Праект «Матэматычная генеалогія» цалкам бясплатны для карыстальнікаў. Акрамя таго, кожны, хто жадае, можа папоўніць яго новымі данымі, якія праходзяць праверку перад публікацыяй. Інфармацыя гэтага праекта лічыцца найбольш надзейнай у той частцы, якая адносіцца да 1900—1960 гадоў[5].

Зноскі

  1. ↑ https://www.ams.org/notices/200708/tx070801002p.pdf
  2. ↑ Allyn Jackson A Labor of Love: The Mathematics Genealogy Project(англ.) // Notices of the AMS : journal. — 2007. — Т. 54. — № 8. — С. 1002-1003. — ISSN 0002-9920.
  3. ↑ 17864 Joseph Louis Lagrange.
  4. ↑ Carr, Sarah (August 18 1999), "Retired Mathematician Develops a Family Tree of the Scholars in His Field", The Chronicle of Higher Education {{citation}}: Праверце значэнне даты ў: |date= (даведка)
  5. ↑ Maimgren, RD, Ottino, JM, Amaral, LA The role of mentorship in protege performance(англ.) // Nature. — 2010. — Т. 465. — № 7298. — С. 622-626. — DOI:10.1038 / nature09040

Спасылкі