Марыс Утрыло
фр.: Maurice Utrillo
Род дзейнасці	мастак, мастак-гравёр, графік
Дата нараджэння	26 снежня 1883(1883-12-26)[1][2][…]
Месца нараджэння	Манмартр, XVIII акруга Парыжа, Парыж, Парыж[d], рэгіён Іль-дэ-Франс, Метраполія Францыі, Францыя[3]
Дата смерці	5 лістапада 1955(1955-11-05)[4][5][…] (71 год)
Месца смерці	Дакс, canton of Dax-Nord[d], arrondissement of Dax[d], дэпартамент Ланды, рэгіён Аквітанія, Метраполія Францыі, Францыя
Месца пахавання	Могілкі Сен-Венсан[d]
Грамадзянства	Францыя[6]
Бацька	Miquel Utrillo[d]
Маці	Сюзанна Валандон
Узнагароды і прэміі
Аўтограф
Медыяфайлы на Вікісховішчы

Марыс Утрыло (фр.: Maurice Utrillo; 25 снежня 1883, Парыж — 5 лістапада 1955, Дакс) — французскі жывапісец-пейзажыст.

Нарадзіўся ў парыжскім раёне Манмартр. Яго маці была натуршчыца і будучая мастачка Сюзанна Валадон, бацька невядомы (па адной з версій, гэта быў мастак-аматар па прозвішчы Буасье). Маці пазіравала мастакам Агюсту Рэнуару і Берце Марызо. У 1891 годзе хлопчыка ўсынавіў іспанскі мастацкі крытык і пісьменнік Мігель Утрыё.

Марыс не атрымаў сістэматычнай мастацкай адукацыі, некаторыя прынцыпы яму падказала маці, нешта ён падгледзеў у мастакоў, якія працавалі на Манмартры. У выніку ён пачаў пісаць гарадскія пейзажы, якія падабаліся публіцы, але доўга заставаўся непрызнаным сярод мастацтвазнаўцаў і крытыкаў. У манеры Утрыло можна знайсці рысы постімпрэсіянізму і прымітывізму. З 1906 года мастак падпісваў свае працы як Марыс Валадон, затым прыняў прозвішча ойчыма.

Крытыкі ацанілі працы Утрыло толькі ў 1910-х гадах. У 1920-х мастак стаў знакамітасцю міжнароднага маштабу. У 1929 годзе ўрад Францыі ўзнагародзіў яго Ордэнам Ганаровага легіёна. У 1935 годзе Утрыло ажаніўся з Люсі Валор і з ёй з’ехаў у парыжскі прыгарад Ле-Везінэ. Мастак памёр 5 лістапада 1955 года ў Даксе, дэпартамент Ланды. Пахаваны на могілках Сен-Венсан.