«Гісторыя кавалера дэ Грыё і Манон Леско» (фр.: Histoire du chevalier des Grieux et de Manon Lescaut), часта скарочана «Мано́н Леско» — раман французскага пісьменніка абата Прэво (1697—1763). Адзін з першых у гісторыі літаратуры псіхалагічных раманаў.
Пасля першай публікацыі ў 1731 годзе ў Галандыі (VII том «Запісак і прыгод шляхетнага чалавека, які адышоў ад свету», хоць яны сюжэтна і не злучаны), раман выклікаў ажыўленую дыскусію. Нягледзячы на забарону ў Францыі, раман карыстаўся папулярнасцю і хадзіў у спісах. У Францыі кніга была ўпершыню выпушчана ў 1733 годзе з паметкай «Амстэрдам» (у рэчаіснасці кніга была надрукавана ў Руане; на тытуле значылася: «сачыненне сп-ра Д***»).
У выданні, якое выйшла ў 1753 годзе, Прэво прыбраў некаторыя скандальныя дэталі і дадаў больш маралізатарскіх агаворак.
Спасылкі
