Пачынаў кар’еру ў «Віцебску», дзе гуляў за дубль. У першай палове 2009 года аддаваўся ў арэнду ў мазырскую «Славію», а ў 2010 годзе перайшоў у гомельскі ДБК. У пачатку 2011 года зноў апынуўся ў «Славіі», якой дапамог выйграць Першую лігу 2011. У сезоне 2012 рэдка з’яўляўся на полі.
У студзені 2013 перайшоў у «Граніт». Стала гуляў у аснове мікашэвіцкага клуба на пазіцыі флангавага абаронцы. У студзені 2014 вярнуўся ў «Віцебск»[1]. Дапамог віцебскаму клубу вярнуцца ў Вышэйшую лігу па выніках сезона 2014, але па заканчэнні сезона пакінуў «Віцебск»[2]. Сезон 2015 пачаў у складзе «Оршы», якая выйшла ў Першую лігу. Па заканчэнні сезона 2016 пакінуў каманду і завяршыў кар’еру.
