Гравітацы́йная пастая́нная^[1] — каэфіцыент прапарцыянальнасці ў законе прыцягнення Ньютана (гл. закон сусветнага прыцягнення), адна з фундаментальных фізічных пастаянных. Абазначаецца G.

Вызначана эксперыментальна^[ru] Г. Кавендышам у 1798 годзе пры дапамозе круцільных вагаў.

Характарызуе гравітацыйнае ўзаемадзеянне ўсіх матэрыяльных аб’ектаў (часціц і палёў) і разглядаецца як універсальная канстанта, нязменная ў часе і прасторы, незалежная ад фізічных і хімічных уласцівасцей асяроддзя і гравітуючых мас.

Лікава гравітацыйная пастаянная роўная сіле гравітацыйнага ўзаемадзеяння між двума целамі (матэрыяльнымі пунктамі) масай па 1 кг, якія знаходзяцца на адлегласці 1 м адно ад аднаго.

Лікавае значэнне гравітацыйнай пастаяннай у адзінках СІ^[2][3]:

${\displaystyle G=(6{,}67430\pm 0{,}00015)\cdot 10^{-11}\,{\text{Н}}\cdot {\text{м}}^{2}/{\text{кг}}^{2}.}$

• Гравітацыйная пастаянная // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 383. — 10 000 экз. — ISBN 985-11-0035-8. — ISBN 985-11-0090-0 (т. 5).

• Гравитационная постоянная — артыкул з Фізічнай энцыклапедыі

У іншым моўным раздзеле ёсць паўнейшы артыкул Gravitational constant(англ.) Вы можаце дапамагчы праекту, пашырыць цяперашні артыкул праз пераклад.