Гаршэва
Найвышэйшы пункт
Абсалютная вышыня	295 м
Размяшчэнне
55°08′37″ пн. ш. 30°47′28″ у. д.HGЯO
Краіна	Беларусь
Вобласць	Віцебская вобласць
Раён	Лёзненскі раён
Горная сістэма	Віцебскае ўзвышша
Гаршэва
Гаршэва

Гаршэва — найвышэйшы пункт Віцебскага ўзвышша. Найвышэйшы пункт Лёзненскага раёна і Віцебскай вобласці.

Знаходзіцца паблізу вёскі Гаршэва, за 15 км на поўнач ад гарадскога пасёлка Лёзна Віцебскай вобласці. Вышыня над узроўнем мора складае 295 м^[1] (296 м^[2]). Над бліжэйшымі пастаяннымі вадасцёкамі ўзвышаецца на 40 м.

Гара складзена чырвона-бурай валуннай марэнай паазерскага ледавіка, перакрытая лёсападобнымі суглінкамі. Мае спадзістапукатую форму, выцягнута з паўночнага ўсходу на паўднёвы захад. Заходнія і паўднёвыя схілы стромкія (да 20°), паўночныя і ўсходнія — пакатыя (да 5°). Паўднёва-заходнія схілы эрадзіраваныя, глыбіня ўрэзу лагчын часовых вадацёкаў 10-15 м.

Глебы дзярнова-падзолістыя на лёсападобных суглінках. Большая частка пад ворывам, на заходнім схіле і ўздоўж лагчын на найбольш стромкіх участках вузкая палоса лесу.

• Гаршэва гара // Геаграфія Беларусі: энцыклапедычны даведнік / рэд. кал. Л. В. Казлоўская [і інш.]. — Мн., 1992. — С. 54.
• Горшева гора // Туристская энциклопедия Беларуси / редкол. Г. П. Пашков [и др.] ; под общ. ред. И.И. Пирожника. — Мн., 2007. — 648 с. ISBN 978-985-11-0384-9
• Горные вершины равнинной Беларуси / В. Э. Пасанен, Е. А. Дикусар, В. Е. Подлисских. – Минск: ГУ «Республиканский учебно-методический центр физического воспитания населения», 2014. – 224 с: ил. – ISBN 978-985-7054-10-7. — С. 145. (руск.)

• Пасанен В. Э., Дикусар Е. А., Стёпин С. Г. Горные вершины Витебской области. — Минск: Право и экономика, 2016. — 162 с. — ISBN 978-985-552-569-2. С. 8—9.