Гара Гарадзілаўская
Вышыня	191,8 м
Размяшчэнне	Верхнядзвінскі раён, Віцебская вобласць
Каардынаты	56°00′54″ пн. ш. 28°09′07″ у. д.HGЯO
Гарадзілаўская

Гара Гарадзі́лаўская — марэнны ўзгорак на поўначы Верхнядзвінскага раёна Віцебскай вобласці. Найвышэйшы пункт Верхнядзвінскага раёна і Асвейскай грады. Вышыня над узроўнем мора складае 191,8 м^[1]. Знаходзіцца на тэрыторыі Асвейскага сельсавета.

Узгорак уяўляе сабой эталонную форму рэльефу бакавой канечна-марэннай грады: даўжыня — 1,4 км, шырыня дасягае 0,5 км, адносная вышыня складае 20-25 м, крутасць схілаў — да 20°.

Знаходзіцца за 1 км на захад ад тапонімаўтваральнай вёскі Гарадзілавічы і за 1,4 км на паўднёвы ўсход ад вёскі Царкоўна. На поўнач і захад ад гары знаходзіцца агароджаны сеткай гадавальнік для дзікіх жывёл, на поўдзень і ўсход — поле.

Непадалёк ад гары знаходзіцца возера Асвейскае, над акваторыяй якога гара ўздымаецца больш як на 60 м.

На вяршыні гары ўзведзена велічэзная металічная вышка-трыянгулятар, а таксама бетонавы слупок.

Дабрацца да гары можна аўтобусам Асвея—Лісна, сыходзіць на прыпынку ў в. Гарадзілавічы. Потым пешшу 1,5 км у накірунку вышкі-трыянгулятара.

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).
• Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн., 2007. — 648 с. ISBN 978-985-11-0384-9
• Пасанен В. Э., Дикусар Е. А., Стёпин С. Г. Горные вершины Витебской области. — Минск: Право и экономика, 2016. — 162 с. — ISBN 978-985-552-569-2. С. 23.

• На Вікісховішчы ёсць медыяфайлы па тэме Гарадзілаўская