Гара Аскрыйская (лац.: Ascraeus Mons)[1][2][3] — патухлы вулкан на Марсе, размешчаны ў правінцыі Фарсіда, побач з марсіянскія экватарам. Самы паўночны з трох вулканаў гэтай вобласці. Да поўдня ад яго знаходзіцца гара Паўліна, яшчэ больш на поўдзень — гара Арсія. Найвышэйшая гара ў Сонечнай сістэме, Алімп, знаходзіцца на паўночны захад.
Гара Аскрыйская лічыцца адным з самых высокіх вулканаў на Марсе. Яго вяршыня знаходзіцца на вышыні каля 18 км над сярэднім узроўнем паверхні Марса[4], атмасферны ціск на такой вышыні складае менш за 0.8 мбар (80 Па). Вулкан мае 460 км у дыяметры[4], ён быў сфармаваны адносна нядаўнімі вывяржэннямі вадкай лавы.
