Вільгельм Фрыдэман Бах
ням.: Wilhelm Friedemann Bach
Асноўная інфармацыя
Дата нараджэння	22 лістапада 1710(1710-11-22)[1][2][…]
Месца нараджэння	Веймар, Саксен-Веймар, Свяшчэнная Рымская імперыя[6][5]
Дата смерці	1 ліпеня 1784(1784-07-01)[1][2][…] (73 гады)
Месца смерці	Берлін, Каралеўства Прусія[3][4][…]
Месца пахавання	Q15118909?
Краіна	Свяшчэнная Рымская імперыя
Бацька	Іаган Себасцьян Бах[5]
Маці	Марыя Барбара Бах[d][5]
Жонка	Dorothea Elisabeth Georgi[d]
Альма-матар	школа Святога Фамы[d] Лейпцыгскі ўніверсітэт
Музычная дзейнасць
Педагог	Johann Gottlieb Graun[d]
Прафесіі	кампазітар, арганіст, піяніст, музыкант, аранжыроўшчык, independent publisher
Інструменты	арган[d]
Жанры	класічная музыка
Выхаванцы	Sara Levy[d][7]
Медыяфайлы на Вікісховішчы

Вільгельм Фрыдэман Бах (ням.: Wilhelm Friedemann Bach; 22 лістапада 1710, Веймар — 1 ліпеня 1784, Берлін) — старэйшы сын Іагана Себасцьяна Баха, вядомы арганіст, імправізатар і кампазітар, майстар контрапункта. Вядомы як «Хальскі Бах».

Нарадзіўся ў Веймары і навучаўся ў лейпцыгскай школе Святога Тамаша; у 1733 г. яго прызначылі на пасаду арганіста царквы св. Сафіі ў Дрэздэне (у конкурсе на замяшчэнне гэтай вакантнай пасады ён атрымаў перамогу над кампазітарам і клавесіністам Крыстафам Шафратам), а ў 1746 годзе ён стаў арганістам царквы Найсвяцейшай Панны (Liebfrauenkirche) у Гале. Вядомасць і ўплыў яго бацькі былі дастатковымі для атрымання Вільгельмам апошняй пасады без традыцыйнага праслухоўвання.

Са смерцю яго бацькі ў 1750 г. сышоў і яго ўплыў на жыццё Вільгельма Фрыдэмана, і яго жыццё ў Гале перастала быць шчаслівай. Перыядычна Вільгельм з’яжджаў з горада на пошукі іншай працы. У 1762 годзе яму была прапанавана пазіцыя капельмайстра пры дармштацкім двары, але па незразумелых прычынах ён адпрэчыў прапанову. У 1764 годзе ён звольніўся з працы ў Гале, пасля чаго Вільгельм так і заставаўся (прынамсі, фармальна) беспрацоўным да канца жыцця. З гэтага часу ён вандраваў па свеце, пакуль не памёр 1 ліпеня 1784 года ў Берліне ў глыбокай галечы. Пахаваны на Луізэнштацкіх парафіяльных могілках, скапаных пасля Другой сусветнай вайны. Цяпер на яго месцы парк, дзе Баху ўсталявана памятная стэла.