Юрый Юр’евіч Осцік

Юрый Осцік
Герб «Трубы»
Герб «Трубы»
1-ы Ваявода мсціслаўскі
1566 — 1578
Папярэднік пасада створана
Пераемнік Павел Пац
Нараджэнне каля 1530
Смерць 1579(1579)
Род Осцікі
Бацька Юрый Рыгоравіч Осцік[1]
Маці Марына Мсціслаўская
Жонка няма
Дзеці няма
Веравызнанне кальвінізм[2][3]

Юрый Осцік (каля 1530 — 1579) — вялікалітоўскі дзяржаўны дзеяч. Першы ваявода мсціслаўскі (1566—1578), ваявода смаленскі (1578—1579); староста браслаўскі (з 1558), дзяржаўца ўпіцкі (1-я палова 1560-х).

Біяграфія

З роду Осцікаў герба «Трубы», сын Юрыя і яго другой жонкі Марыны з Мсціслаўскіх. Меў братоў Мікалая, Яна і Рыгора.

Кальвініст. Удзельнік Інфлянцкай вайны 1558—1582 гадоў. Пасля смерці Жыгімонта Аўгуста (1572) выступаў за абранне на сталец Рэчы Паспалітай царэвіча Фёдара Іванавіча, падпісаў элекцыю Генрыка Валезага. Пасля ўцёкаў Генрыка ў 1574 годзе выступаў супраць абрання на каралеўскі сталец маскоўнага цара Івана Васілевіча.

Не быў жанаты і не пакінуў нашчадкаў.

Зноскі

  1. ↑ Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 271.
  2. ↑ Urzędnicy Wielkiego Księstwa Litewskiego : spisy. T. 9, Województwo mścisławskie XVI-XVIII wiek / пад рэд. А. Рахуба — Warszawa: 2019. — С. 191. — ISBN 978-83-65880-76-5
  3. ↑ Urzędnicy Wielkiego Księstwa Litewskiego. Spisy, t. IV, Ziemia smolenśka i województwo smolenśkie XIV‒XVIII wiek / пад рэд. А. Рахуба — Warszawa: Wydawnictwo DiG, 2003. — С. 215. — 412 с. — ISBN 83-7181-279-5

Літаратура

Спасылкі