Горад Эль-Джадзіда араб. الجديدة‎‎ Краіна  Марока Каардынаты 33°14′ пн. ш. 8°30′ з. д.HGЯO Плошча 7,5 га Насельніцтва ▲237 464 чал. (2024)[1] Часавы пояс UTC0 Афіцыйны сайт eljadida.gov.ma Эль-Джадзіда на карце Марока

Медыяфайлы на Вікісховішчы

Эль-Джадзіда (араб. الجديدة, фр. El Jadida) — партовы горад на атлантычным узбярэжжы Марока, сталіца аднайменнай правінцыі краіны. Старая партугальская крэпасць у горадзе з’яўляецца аб’ектам Сусветнай спадчыны ЮНЕСКА.

Горад быў заснаваны партугальцамі у 1502 годзе, калі для абароны ад маўраў была пабудавана крэпасць Мазаган. Пад гэтай назвай і быў вядомы горад да 1769 года, калі ён быў захоплены і разбураны султанам Махамедам бен Абдалай.

У 1825 годзе арабы зноў адбудавалі горад, даўшы яму арабскую назву «Эль-Джадзіда», якую можна перакласці на беларускую мову як «новы». Аднак пасля пераходу Марока пад пратэктарат Францыі, калі горад пачаў хутка развівацца, яму было вернута старая назва. І толькі з атрыманнем краінай незалежнасці назва «Эль-Джадзіда» стала афіцыйнай.

У 2004 годзе ў горадзе пражывала 144 000 чалавек. Пляжы Эль-Джадзіды служаць месцам адпачынку як для жыхароў Марока, так і для замежных турыстаў.

Сусветная спадчына ЮНЕСКА, аб’ект № 1058 рус. • англ. • фр.