Туларэ (англ.: Tulare County) — акруга на поўдні цэнтральнай часткі штата Каліфорнія, ЗША. Насельніцтва акругі — 442 179 чалавек (перапіс 2010 года). Адміністрацыйны цэнтр — горад Вісейлія.
Геаграфія
Агульная плошча — 12 530 км², з якіх 12 490 км² — суша і 40 км² (0,3 %) — водныя паверхні. Мяжуе з акругай Фрэсна (на поўначы), акругай Іньё (на ўсходзе), акругай Керн (на поўдні) і акругай Кінгс (на захадзе).
На тэрыторыі акругі цалкам размешчаны нацыянальны парк Секвоя і часткова размешчаны нацыянальны парк Кінгс-Каньён. На мяжы з акругай Іньё знаходзіцца гара Уітні — самы высокі пункт хрыбта Сьера-Невада.
