Артыкул вымагае праверкі арфаграфіі Удзельнік, які паставіў шаблон, не пакінуў тлумачэнняў. Магчымы машынны пераклад, ужыванне ненарматыўнага правапісу або лексікі. Для праверкі ёсць адмысловыя праграмы.

Спеўны Сход
Калі нацыя ня ведае сваіх песень, то і нацыі няма.(C)
Кіраўнікі
Аляксей Чубат
Сяржук Доўгушаў
Заснаванне
Дата заснавання	студзень, 2014

Спеўны Сход — гэта грамадская ініцыятыва, накіраваная тое, каб любы чалавек, незалежна ад наяўнасці ў яго музычнай адукацыі мог навучыцца спяваць беларускія песні.

Ідэя стварэння Спеўных Сходаў належыць Сяржуку Доўгушаву^[1]. Сярэдняя колькасць удзельнікаў складае каля 100 чалавек, максімальная — каля 500 чалавек (фестываль «Вольнае паветра»). Да студзеня 2017 года галоўным каардынатарам праекта быўАляксей Чубат.

З 2017 года кіраўніком Спеўнага сходу з’яўляецца Сяржук Доўгушаў.^[2] У гэтым годзе быў выдадзены адмысловы спеўнік Спеўнага Сходу, дзе былі сабраныя тэксты песняў, што спяваліся за некалькі год працы праекту.

Кожны Спеўны Сход пачынаецца спеўнай размінкай, падчас якой удзельнікі выконваюць адмысловыя практыкаванні для голаса. Пасля размінкі пачынаецца вывучэнне спеваў, падчас якога ўдзельнікі рэпетуюць спевы з музычным суправаджэннем альбо без яго. Пад канец Схода ўсе ўдзельнікі здольныя самастойна праспяваць разабраныя творы.

На кожным Сходзе ўдзельнікі разам з вядоўцам разбіраюць музыку па адной з наступных тэмаў: восеньскія спевы^[3], калыханкі^[4], музыка Вялікага Княства Літоўскага^[5], калядныя спевы^[6], веснавыя і валачобныя спевы^[7], застольныя спевы. Акрамя гэтага варта вылучыць спевы^[8], сабраныя Народным паэтам Беларусі Рыгорам Барадуліным.

На кожным Спеўным Сходзе прысутнічаюць вядомыя ў Беларусі музыкі. Так, цягам 2015-га года Спеўны Сход наведалі: этнограф Ірына Мазюк, Алесь Чумакоў (удзельнік гурта Стары Ольса), Ларыса Рыжкова (гурт «Калыханка»), ансамбль «Кантабіле», Алесь Камоцкі.

Цягам 2014—2015 гадоў Спеўныя Сходы адбыліся ў наступных месцах: Батанічны Сад^[9], фестываль «Кераміка Крэва»^[10], музычны фестываль «Вольнае паветра»^[11], бар «ДК»^[12], Blue Sky Talent Company^[13].

У 2016 годзе ладзіліся адмысловыя спеўныя вандроўкі, у якіх спалучалася стандартная праграма сходу і тэматычнае экскурсійнае суправаджэнне.

Адзін з гасцей Спеўнага Схода, Алесь Чумакоў схіляецца да наступнай думкі:

«Народныя песні не павярхоўныя, яны не вакол нейкай ідэі, кімсьці прыдуманай^[14]. У іх ёсць глыбіня, якую адчуваеш, у якую верыш. Этнічны напрамак — адзін з напрамкаў, верагодных для такіх спеваў. Сёння, калі фольк-музыка актуальная і калі вяртанне да вытокаў проста неабходнае, такія сходы абавязкова павінны быць».

• Блог Спеўнага Схода
• Старонка Спеўнага Схода ва «Ў кантакце»
• Старонка Спеўнага Схода ў фэйсбуку
• Старонка Спеўнага Схода на сэрвісе саундклауд
• Старонка Спеўнага Схода ў ютубе

• Сяргей Доўгушаў пашырае беларускія спевы — Радыё «Рацыя»(недаступная спасылка)
• Спеўны сход завітаў у TUT.BY з казой Архівавана 24 студзеня 2015.
• Спеўны сход у Менску сабраў рэкордную колькасць людзей(недаступная спасылка)
• У Беларусі задумана правесці новую для нашай краіны акцыю — «Спеўны сход» Архівавана 19 кастрычніка 2015.
• Паэт Аляксей Чубат: «Спеўны сход» патрэбен, каб беларусы ведалі свае песні і ўкладвалі ў іх часцінку сябе і новага часу Архівавана 5 сакавіка 2016.
• «Спеўны сход» ідзе клікаць вясну Архівавана 27 лістапада 2016.
• Долгушев Сергей Васильевич Архівавана 8 лістапада 2016.
• Калядны «Спеўны сход» з удзелам гурта «Вурай»
• «Спеўны сход» запрашае паспяваць беларускія канты часоў ВКЛ(недаступная спасылка)
• Спеўны Сход: дзіцячы фальклор, калахынкі і забаўлянкі.