Ліс-ПМ (МЗКЦ-233136^[1]) — беларускі лёгкабраніраваны аўтамабіль з баявым кулямётна-гранатамётным модулем, мадыфікацыя расійскай бронемашыны «Тыгр-М»^[2].

Упершыню быў прадэманстраваны 9 мая 2015 года на ваенным парадзе ў гонар Дня Перамогі ў Мінску.

Выраблены Мінскім заводам колавых цягачоў у кааперацыі з расійскімі прадпрыемствамі абароннай прамысловасці. Зборка ажыццяўлялася ў цэхах 124-га АРЗ (Мінск)^[3].

Аснашчаны айчыннымі сродкамі разведкі, сувязі, назірання і радыёэлектроннай барацьбы і прызначаны для вырашэння шырокага спектра тактычных задач. На іх узбраенні — 12,7-мм кулямёт НСВ і 30-мм гранатамёт АГ-17.

• Найноўшыя беларускія сістэмы залпавага агню «Паланэз» упершыню былі паказаны на парадзе ў Мінску(недаступная спасылка)