Кангалезскае аб’яднанне за дэмакратыю (фр.: Rassemblement congolais pour la democratie) — паўстанцкая групоўка кангалезскіх тутсі (баньямуленге), заснаваная ў жніўні 1998 года Эрнестам Вамба дыя Вамба ў выніку адлучэння ад Альянсу дэмакратычных сіл за вызваленне Конга.
Фракцыя стала ініцыятарамі бунту, які справакаваў Другую кангалезскую вайну. Падчас вайны атрады групоўкі захапілі ўсходнія рэгіёны ДР Конга (асабліва Паўночнае і Паўднёвае Ківу, Маніема, Ітуры).
20 мая 1999 года ў арганізацыі адбыўся раскол на КАД-Вамба (Кісангані) і КАД-Ілунга (Гома). Першая групоўка арыентавалася на Уганду, другая падтрымлівалася Руандай. Паміж баевікамі пачаліся сутыкненні.
Пасля вайны на выбарах 2003 года «Кангалезскае аб’яднанне за дэмакратыю» атрымала 94 месцы з 500 у Нацыянальнай Асамблеі, а лідар руху атрымаў пасаду віцэ-прэзідэнта.
Спасылкі
