Дэвід Джон Гілмар CBE (англ.: David Jon Gilmour, нар. 6 сакавіка1946, Кембрыдж, Англія, Вялікабрытанія) — брытанскі кампазітар, гітарыст, вакаліст, адзін з лідараў гурта Pink Floyd. Акрамя працы ў складзе групы, Гілмар выступаў у якасці рэкорд-прадзюсара розных артыстаў і зрабіў паспяховую сольную кар'еру. На працягу ўсёй сваёй музычнай кар'еры Гілмар актыўна ўдзельнічае ў дзейнасці многіх дабрачынных арганізацый. У 2003 годзе ён быў узведзены ў чын Камандора ордэна Брытанскай імперыі за служэнне музыцы і дабрачыннасці, а таксама узнагароджаны прэміяй «Выбітны ўклад» на цырымоніі Q Awards 2008.
У 2003 годзе Гілмар заняў 82-е месца ў рэйтынгу часопіса Rolling Stone «100 найлепшых гітарыстаў усіх часоў». У 2009 годзе брытанскі часопіс Classic Rock уключыў Гілмара ў свой спіс найвялікшых гітарыстаў свету.
