Дыёд Шоткі — паўправадніковы дыёд з нізкім прамым напружаннем і хуткім пераключэннем. Названы ў гонар нямецкага фізіка Вальтэра Шоткі.

Дзеянне дыёда Шоткі заснавана на існаванні бар’ера Шоткі — рознасці патэнцыялаў на пераходзе метал-паўправаднік, роўнай рознасці іх работ выхаду. Бар’ер узнікае з-за нерухомага прасторавага зараду ў паўправадніку. У адрозненне ад паўправадніковых дыёдаў на p-n-пераходзе, дыёды Шоткі маюць значна меншае напружанне адкрыцця (да 0,1—0,2 В). Аднак дыёды Шоткі хутка і незваротна выходзяць з строю пры перавышэнні максімальнага адваротнага напружання.

• Laughton M. A. Electrical engineer's reference book. Newnes, 2003. (англ.)
• Физическая энциклопедия / гл. ред. А. М. Прохоров. Т. 1. М., 1988. С. 628. (руск.)
• Шоткі дыёд // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 453. — 10 000 экз. — ISBN 985-11-0035-8. — ISBN 985-11-0279-2 (т. 17).