Джан Галеаца Сфорца
італ.: Gian Galeazzo Maria Sforza
Партрэт Джана Галеаца ў вобразе Святога Себасцьяна, пэндзля дэ Прэдзіса
герцаг Міланскі 1476 — 1494
Папярэднік	Галеаца Марыя Сфорца
Пераемнік	Ладавіка Марыя Сфорца
Нараджэнне	20 чэрвеня 1469(1469-06-20) Абіятэграса
Смерць	21 кастрычніка 1494(1494-10-21) (25 гадоў) Павія
Род	Сфорца
Бацька	Галеаца Марыя Сфорца
Маці	Бона Савойская
Жонка	Ізабела Неапалітанская[en]
Дзеці	сыны: Франчэска дочкі: Іпаліта Бона
Медыяфайлы на Вікісховішчы

Джан Галеаца Марыя Сфорца (італ.: Gian Galeazzo Maria Sforza; 20 чэрвеня 1469, Абіятэграса — 21 кастрычніка 1494, Павія) — герцаг Міланскі з 1476 па 1494 гады.

Старэйшы сын Галеаца Марыа Сфорцы і Боны Савойскай. Пасля забойства бацькі, ва ўзросце сямі гадоў атрымаў у спадчыну тытул герцага Міланскага. 3 студзеня 1477 года яго маці, Бона Савойская, была абвешчана рэгенткай. Яна кіравала герцагствам з дапамогай сакратара яе забітага мужа, Франчэска Сіманеты.

Аднак неўзабаве дзядзька Джана Галеаца, Ладавіка, пачаў набіраць рэальную ўладу. Тытул герцага насіў хлопчык, а кіраваў Ладавіка. Каб умацаваць альянс паміж Міланскім герцагствам і Неапалітанскім каралеўствам, ён ажаніў пляменніка з Ізабелай Неапалітанскай^[en] (1470—1524), дачкой караля Альфонса II. З-за хуткага шлюбу Кастэла Сфарцэска дэкараваў сам Леанарда да Вінчы, запрошаны да двара Ладавіка. Вяселле адбылося 2 лютага 1489 года; пара мела трох дзяцей:

• Іпаліта (1490—1501);
• Франчэска (1491—1512);
• Бона (1495—1557), якая нарадзілася праз тры месяцы пасля смерці бацькі. Выйшла замуж за караля польскага і вялікага князя літоўскага Жыгімонта I.

Джан Галеаца памёр ва ўзросце 25 гадоў. Шматлікія чуткі вінавацілі ў яго смерці Ладавіка, які працягнуў кіраваць у якасці герцага.

• На Вікісховішчы ёсць медыяфайлы па тэме Джан Галеаца Сфорца
• Генеалогія Джан Галеаца Сфорца Архівавана 19 верасня 2020.