Вытворчасць гародніны ў Беларусі — галіна сельскай гаспадаркі, якая займаецца вырошчваннем гародніны ў адмысловых гаспадарках. У гэтым артыкуле разглядаецца ўся гародніна без уліку бульбы.

Больш за ўсё плошчаў занята агародніннымі культурамі ў Мінскай (15,1 тыс. га), Гомельскай і Брэсцкай (па 13,7 тыс. га) абласцях. Усяго на 2017 год у Беларусі гародніна вырошчваецца на 65,7 тыс. га^[1][2].

У 2016 годзе ўсімі гаспадаркамі было сабрана 1891 тыс. т гародніны (275 тыс. т, ці 14,5 % буйнымі сельскагаспадарчымі арганізацыямі, 347 тыс. т ці 18,5 % фермерскімі гаспадаркамі і 1270 тыс. т ці 67 % гаспадаркамі насельніцтва)^[3].

Валавы збор гародніны ў тыс. тон^[4].

Больш за ўсё гародніны было сабрана ў 2016 годзе ў Мінскай вобласці — 463,9 тыс. т. У Брэсцкай вобласці было сабрана 416,9 тыс. т, у Гомельскай — 322,7 тыс. т, у Гродзенскай — 250,9 тыс. т, у Магілёўскай — 221,8 тыс. т, у Віцебскай — 211,9 тыс. т. У Брэсцкай вобласці больш за ўсё гародніны сабралі фермерскія гаспадаркі, ва ўсіх астатніх абласцях — гаспадаркі насельніцтва^[5].

Вытворчасць гародніны ў Беларусі складае каля 199 кг на душу насельніцтва^[6].

Цяплічны комплекс Беларусі у асноўным прадстаўлены 21 буйной цяплічнай гаспадаркай з агульнай плошчай зашклёных зімовых цяпліц каля 250 га^[7].

Валавы збор гародніны закрытага грунта ў тыс. тон^[7].

Галоўнымі культурамі з’яўляюцца капуста (18 % пасяўной плошчы), морква (16 %), цыбуля (16 %), тамат (11 %), агуркі (9 %), часнок (5 %), зялёны гарох (2 %) і іншыя (23 %).

Пры гэтым асноўны аб’ём вытворчасці гародніны ў адкрытым грунце даюць морква, капуста, буракі і рэпчатая цыбуля, а ў парніковай гаспадарцы лідарамі з’яўляюцца агуркі, таматы і перац.

Валавы збор капусты ў тыс. тон^[8].

Баланс попыту і прапановы на капусту ў 2017 годзе, тысяч тон^[9]:

Валавы збор	Вываз	Увоз	Спажыванне	Доля ўвозу ў спажыванні
445,6	78,7	50,4	417,3	12,1

Валавы збор морквы ў тыс. тон^[10].

Баланс попыту і прапановы на моркву ў 2017 годзе, тысяч тон^[11]:

Валавы збор	Вываз	Увоз	Спажыванне	Доля ўвозу ў спажыванні
337,4	148,3	3,5	192,6	1,8

Валавы збор цыбулі рэпчатай у тыс. тон^[12].

Баланс попыту і прапановы на цыбулю ў 2017 годзе, тысяч тон^[13]:

Валавы збор	Вываз	Увоз	Спажыванне	Доля ўвозу ў спажыванні
242,5	11,4	37,7	268,8	14,0

Валавы збор таматаў у тыс. тон^[14].

Валавы збор таматаў закрытага грунта ў тыс. тон^[7].

Баланс попыту і прапановы на таматы ў 2017 годзе, тысяч тон^[15]:

Валавы збор	Вываз	Увоз	Спажыванне	Доля ўвозу ў спажыванні
279,5	80,7	168,1	366,9	40,0

Валавы збор агуркоў у тыс. тон^[16].

Валавы збор агуркоў закрытага грунта ў тыс. тон^[7].

Баланс попыту і прапановы на агуркі ў 2017 годзе, тысяч тон^[15]:

Валавы збор	Вываз	Увоз	Спажыванне	Доля ўвозу ў спажыванні
236,6	51,2	8,1	193,5	4,2

У Рэспубліцы Беларусь у дзяржаўны рэестр сартоў за перыяд з 2001 па 2015 год уключана 75 сартоў і 18 гібрыдаў 30 агароднінных культур селекцыі РУП «Інстытут агародніцтва». Аднымі з найбуйнейшых вытворцаў і рэалізатараў насення айчыннай і замежнай селекцыі з’яўляюцца РУП «Інстытут агародніцтва», РУП «Мінская АСГДС НАН Беларусі», РНДУП «Палескі інстытут раслінаводства», ААТ «Минсксортсемовощ», ДНУ «Цэнтральны батанічны сад НАН Беларусі», УА «БДСГА». За 2006—2016 гады ўключаны ў рэестр і дапушчаныя да выкарыстання на тэрыторыі Рэспублікі Беларусь 169 сартоў агароднінных культур (агурок, капуста белакачанная, лук рэпчаты, часнок азімы, морква, перац, баклажан, кабачок, гарох агароднінны, фасоля агароднінная, кукуруза цукровая і інш.), якія створаны айчыннымі навукова-даследчымі ўстановамі. З іх 106 сартоў — для вытворчасці і 63 сарты — для прысядзібнага вырошчвання^[17].

• Сельское хозяйство Республики Беларусь, 2017 (руск.). Нацыянальны статыстычны камітэт Рэспублікі Беларусь (26 ліпеня 2017). Праверана 3 кастрычніка 2023.