Вагенінгенскі ўніверсітэт і навукова-даследчы цэнтр (нідэрл.: Wageningen Universiteit en Researchcentrum) — буйны ўніверсітэт у Нідэрландах, які спецыялізуецца ў вобласці прыродазнаўчых навук. Універсітэт быў заснаваны як вышэйшая сельскагаспадарчая школа 9 сакавіка 1918 года ў горадзе Вагенінген, Нідэрланды.
У 1986 годзе Вышэйшая школа атрымала ўніверсітэцкія правы і стала называцца Вагенінгенскі сельскагаспадарчы ўніверсітэт, а з 2000 года — проста Вагенінгенскі ўніверсітэт. У 2009 годзе з уключэннем у склад універсітэта вышэйшай школы Van Hall Larenstein афіцыйнае імя было зменена на «Вагенінгенскі ўніверсітэт і навукова-даследчы цэнтр».
