Славутасць
Алея кіно
Пляцоўка каля былога кінатэатра «Гродна», сёння — моладзевага цэнтра, на якой размешчана «Алея кіно».
Краіна	Беларусь
Горад	Гродна
Будаўнік	Гродзенскі камнеапрацоўчы завод
Архітэктар	Аляксандр Ласмінскі
Дата заснавання	17 верасня 2016 года

«Алея кіно» з’явілася 17 верасня 2016 годзе ў дзень святкавання 888-годдзя Гродна і ўключае назвы фільмаў, якія здымаліся ў горадзе. Алея складаецца з гранітных пліт з назвамі фільмаў і датай іх выхаду, якія размешчаны на пляцоўцы каля моладзевага цэнтра «Гродна» на Савецкай вуліцы.

Аўтарам ідэі выступіў журналіст і кіраўнік фотаклуба «Гродна» Аляксандр Ласмінскі. Ідэю па стварэнні першай у Беларусі алеі кіно падтрымалі абласныя і гарадскія ўлады. Алею, па традыцыі кіношнікаў, адкрылі разбіваннем талеркі намеснік старшыні аблвыканкама Віктар Лісковіч і старшыня Гродзенскага гарвыканкама Мечыслаў Гой. На ганаровай цырымоніі гарадзенскія акцёры ўзнавілі кадры з фільмаў. Пліты для алеі выраблены на Гродзенскім камнеапрацоўчым заводзе.^[1][2][3][4]

Яшчэ сем пліт з'явілася год пасля адрыцця алеі^[5]. У цырымоніі закладкі новых пліт 23 верасня 2017 года прымалі ўдзел старшыня гарадскога Савета дэпутатаў Барыс Фёдараў і намеснік старшыні гарадскога выканаўчага камітэта Зоя Кулеша. Планавалася, што алея будзе штогод папаўняцца новымі кінастужкамі (усяго ў горадзе здымалі эпізоды больш за 50 фільмаў).^[6][7][8]

У планах было таксама ўключэнне алеі ў гарадскі турыстычны маршрут, прысвечаны фільмам, якія здымалі ў Гродне^[9][10].

• прысвечаная праекту «Алея кіно» — закладзена 17 верасня 2016 года^[11]
• «Белыя росы» (1983) — закладзена 17 верасня 2016 года
• «Мiколка-паравоз» (1956) — закладзена 23 верасня 2017 года
• «Я родам з дзяцінства» (1966) — закладзена 23 верасня 2017 года
• «Раскiданае гняздо» (1981) — закладзена 23 верасня 2017 года
• «Сын за бацьку^[ru]» (1995) — закладзена 23 верасня 2017 года
• «У жніўні 44-га…» (2001) — закладзена 23 верасня 2017 года
• «Хрыстос прызямлiўся ў Гароднi» (1967) — закладзена 23 верасня 2017 года
• «Сляды апосталаў» (2013) — закладзена 23 верасня 2017 года
• «Кааператыў «Палітбюро», або Будзе доўгім развітанне» (1992) — закладзена 14 верасня 2018 года
• «Мяне завуць Арлекіна» (1988) — закладзена 14 верасня 2018 года^[12]
• «Замах» (2010) — закладзена 8 верасня 2023 года^[13]

Пры гэтым стужку «Хрыстос прызямлiўся ў Гароднi» насамрэч, нягледзячы на назву, у Гродне не здымалі^[14].

Журналістамі адзначалася, што пераважная большасць сучасных фільмаў з алеі адлюстроўве сам горад у лепшым выпадку ў якасці эпізадычных дэкарацый для постсавецкіх батальных фільмаў выключна на тэматыку II сусветнай вайны^[15]. Сапраўды «гарадзенскіх» фільмаў, па якіх можна прачытаць архітэктуру і атмасферу горада, адзінкі.

• На Вікісховішчы пакуль няма медыяфайлаў па тэме, але Вы можаце загрузіць іх