Si Joseph Rao Kony (namundag, c. 1961) iyo an pamayo kan inaapod na Lord's Resistance Army (LRA/ Hokbo ni Kagurangnan sa Pakikitusay ),sarong grupong gerilyang Ugandano. Manta ini kan enot nag'aani nin popular na suporta, an LRA buminaliktad asin pinag'api kaini an sadiring mga tagasurog, sa soboot pagpupuro sa banwang Acholi asin gibohon an Uganda na sarong teokrasiya.^[2] Si Kony pigproklama niya an sadiri bilang iyo an tagataram kan Diyos na Kagurangnan asin bilang siya sarong sinapotan espiritu, kan Espiritu Santo orog na, na an pag'iriba pigtutubod ini napahiling sa manlaenlaen na porma. Sa teolohiyang pakasabot, an grupo sarong sinkretong pagsaralak nin mitisismo, Acholing nasyonalismo, asin Krsitiyanong pundamentalismo; ,^{[3][4][5][6][7][8][9][10][11][12]} asin nangangako na matogdas nin sarong estadong teokratiko nababatay sa Sampolong Togon asin sa lokal na tradisyon Acholi. ^[13][14][15] Si Kony pigsugo an pagdukot nin mga aki ngane gibohon na mga aking-oripon-sa-sex asin mga aking-soldados. ^[16] Pigtatayang mga 66,000 na ribong mga aki an nagin pirit na soldados asin mga duwang milyon na mga tawo an na'ukag, nabungkal sa dating mga estaran sa laog kan Uganda. .^[17] Kan 2008, si Kony kinasuhan huli sa mga krimen gera kan International Criminal Court sa The Hague, Nederlands, alagad dai madakop'dakop. An hokbo ni Kony librelibreng luwas-laog sa kahiwasan kan Demokratikong Republika kan Kongo, sa Sentral na Aprikanong Republika, sa Habagatan Sudan, asin sa Sudan.^[18]

Si Kony namundag kan 1961 sa Odek, sarong baryo sa bandang subangan kan Gulu, parteng amnayan nin Uganda ^[19][2] sa ama niyang si Luizi Obol asin ina niyang si Nora, pareho mga paraoma. Siya kabuhan kan banwang Acholi.^[2][20]. Maray man an pakikibagay niya sa saiyang mga tugang, alagad sinasabi na mainiton an payo asin madaling mag'alsang kamot saka mangulog. ^[21]. An saiyang ama sarong katekista sa Simbahan Katoliko asin an saiyang ina sarong Anglicano. Si Kony nagin altar boy nin pirang taon alagad nagpondo pagsimba asin pagsibot sa simbahan pag'edad 15 anyos ^[21] saka nagpondo naman pagklase.^[2]

Kan siya hagbayon, si Kony nag'asiste sa tugang niyang matua, si Jamie Brow, bilang sarong parasantigwar, asin kan magadan na an tugang niya, siya na an nagmana kan siring na kargo.^[22]

Enot na naglataw an pangaran niya kan Enero 1986 bilang lider kan saro sa mga grupong premillennialista nagburutwa sa dagang Acholi kan panahon na makusog an Hiron nin Espiritu Santo (Holy Spirit Movement) ni pinamamayohan ni Alice Auma (bisto man sa apod na Lakwena, asin tinutubod na partidario mansana ni Kony).^[2] Sinasabing nagluya an impluensya kan mga movimientong ini kan mapatalsik si Presiente Tito Okello, sarong Acholi, ni Yoweri Museveni saka kan hokbo kaini, an National Resistance Army (NRA) sa ribok na nagputok sa Uganda, idtong inapod na Ugandan Bush War (1981-1986). An pangyaring ini, sa ibong na lado, nagpakusog kan impluensya ni Kony,

Kaiba an sarong sadit na parasunod niya, enot nagrayo sa lugar kan banwa niyang Odek kan Abril 1, 1987. Dangan nasabat niya an mga dating soldados, na kabali sa Black Battalion, asin an huri apil sa Uganda National Liberation Front. Si Kony kun napa'no ta napa'ayon niya an mga ini sa grupo niya, asin an enot na sakyada kan mas dakula nang grupo niya iyo ginibo sa siyudad nin Gulu.

• Invisible Children 2010 dokumentaryong pelikula nagbubuyagyag kan pagdukot asin pagpirit sa mga aki na magin mga soldados kan LRA
• Hague Justice Portal: Joseph Kony Archived 2011-12-19 at the Wayback Machine.
• "Wanted": Joseph Kony on Interpol`s list of wanted persons

Pinopoonan an artikulong ini. Makakatabang ka sa Bikol Wikipedia sa pagparambong kaining pahina.