An Golpo Persiko, na namomogtak sa Sur-solnopan kan Asya, sarong iswil kan Dagat Indyano asin ini yaon sa pag'oltan kan Iran (na dati inapod Persya) asin kan Arabong Peninsula.^[1]

An Golpo Persiko nagin sentro kan 1980-1988ng Gerang Iran-Irak kun saen an ambos lado inaatake an mga oil tanker kan lambang saro. Kan 1991, an Golpo Persiko nagin naman lugar kan iriwal, an inapod na "Persian Gulf War" o "Gulf War"; igdi an Irak pinagsakyada an Kuwait alagad natolod pabalik, asin totoo an tunay na dahelan kan diringkilan iyo an manongod sa dagang teritoryo.

An Golpo Persiko dakul magagayon na pagsisiraan, mahiwas na mga bahura (coral reef) asin dagya na atamanan nin mga perlas sa talaba alagad an ekolohiya kaini natataya sa peligro huli sa industrialisasyon, orog na an pag'oola nin asayti asin petrolyo durante kan mga gera sa rona na ini.

Sa historya asin sa internasyunal na pagtrato minimidbid totoong ini Golpo Persiko,^[2][3][4] ,an hawak tubig na ini kumboot inaapod na Golpo Arabo o simple "An Golpo" kan kadaklan na mga estadong Arabo,^[5][6] Pero maski arin sa duwa dai bistado sa internasyunal na paggamit. An terminong "Golpo nin Iran" (Golpo Persiko) iyo an ginagamit kan International Hydrographic Organization.

• Persian Gulf, Encyclopedia Iranica Archived 2012-01-21 at the Wayback Machine.
• The Persian Gulf, Information, history and resources of the Persian Gulf
• The Portuguese in the Arabian peninsula and in the Persian Gulf
• Persian Gulf Region
• UN GEGN – Historical, Geographical and Legal Validity of the Name: Persian Gulf Archived 2010-01-08 at the Wayback Machine.
• Persian Gulf Studies Website

Sarong tamboan an artikulong ini. Makakatabang ka sa Wikipedia sa pagpoon kaining pahina.