Calabanga
Kinamumugtakan kan Calabanga
Tagboan: 13°42′32″N 123°12′58″E Tagboan: 13°42′32″N 123°12′58″E
Nasyon	Filipinas
Barangay	48
Pamamahala
• Electorado	56,664 votantes (9 Mayo 2022)
Hiwas
• Kabuuhan	163.80 km2 (63.24 sq mi)
Elebasyon	13 m (43 ft)
Populasyon (Mayo 1, 2020)[1]
• kabuuhan	88,906
• Densidad	540/km2 (1,400/sq mi)
• Saro	19,444
Economia
• Klase	primero klaseng banwaan
• Ingresos	₱251,317,821.99 (2020)
• Activos	₱553,510,077.69 (2020)
• Pasivos	₱221,285,707.33 (2020)
• Gastos	₱202,533,630.62 (2020)
Kodigo nin postal	4405
PSGC	051708000
Kodigo telefonico	54
Tataramon	Bikol Sentral Tataramon na Inagta Partido tataramon na Tagalog
Websityo	www.calabanga.gov.ph

An Calabanga /kæləˈbəŋɑː, kæləˈbəŋɡɑː/ o banwaan nin Calabanga ( dangugon), sarong premira klaseng banwaan sa probinsya kan Camarines Sur, Filipinas. An designadong zip code kaini iyo an 4405.

Susog sa sensus kan 1 Mayo 2020, igwa ining 88,906 katawong nag-eerok digdi sa 19,444 kaharungan. Igwa ining sukol na 163.80 kilometro kwadrado.

Inaapod na mga Calabangueño/Calabanguena an mga taga digdi.

Kan 1578 kan ipigtugdas an lider nin Misyon kan Quipayo, sarong visita sana o baryo an Calabanga. Kaidto, an lugar igwang halawig na kadlagan dangan mga malaboy na lugar asin sarong kasaganaan nin mga hayop arog kan mga ukay o unggoy, layas na manok, dangan butiking-kadlagan. Pigsasabi na gikan an pangaran kaini sa tataramon na Bikol na "Calabangan", an pangdakulang termino kan "labang" o "litag", na an buot sabihon sarong tipo nin silo para sa pagtatago nin mga layas na hayop. Pigsambit pa kan sarong pang alamat na hali an Calabanga sa taramon na "Calugangan" na an buot sabihon, an halawaig , halaba, dangan tanos na dalan na minasaklaw sa simbahan sa paagi kan poblacion, subangan sa sulnupan, na pig-aapod sa lokal na Kalabaan o Kalakbangan.

Nabisto an banwaan nin Calabanga sa 400 tributes. Kadtong Hulyo 15, 1749, napasuway ini sa Quipayo nin huli ta sa pag-apruba ni Don Fray Joan de Arechera, Pigelihir na obispo kan Nueva Segovia nin Komisaryo kan Hade, sa petisyon na pinirmahan dangan isinampa kan 37 Calabangueños kan Abril 28, 1749 para sa banwaan na maginhawang pinangangasiwaan.

Igwa ini nin 2 visitas, an mga ini iyo an visita de Cagapad dangan visita de hinarijan asin may 12 baryo. An mga baryo iyo an San Antonio, San Vicente, Sta. Catalina, Nuestra Señora de Salud, San Lucas, San Miguel, Sta. Isabel, Nuestra Señora del Carmen, San Roque, San Pablo, San Jose (Balongay ngunyan) dangan Belen.

Saro an Calabanga sa mga banwaan kan probinsiya nin Camarines Sur dangan sarong miyembro kan Metro Naga Development Council. Sa lugar nin pansisira asin halawig na agrikultura, saro ining pangenot na tagapagtustos nin mga sira dangan iba pang mga produkto kan dagat dangan mga produktong pang-agrikultura sa probinsiya pati na man sa Metro Manila.

Kan Pebrero 19, 1900 nin alas siete nin aga, pinangenotan kan mga armadas o plota kan mga Amerikano haling Suba' nin Sugut an paglayag paduman sa Suba' nin San Miguel, dangan uminagi an bentekwatro oras inihulog na ninda an saindang mga angkla sa Suba'. An Orden kan mga ini, makatungtong tulos nin sarabay-sabay sa duwáng mga punto; An banwaan nin Calabanga asin sa banwaan nin Barceloneta na nagibo man kan agang ito, dangan an banwaan nin Cabusao sa minasunod na aldaw. Sinda Tenyente Kolonel Parker, na pigbibilog nin saróng batalyon kan Regiment 45, sa irarom ni Major Cole asin an iba pa kan Regiment 40, sa irarom ni Major Casey an inot na dai pig-aasahan na nakatungtong sa Kadagáang nin Camarines Sur. ^[2].

An banwaan kan Calabanga an inot na banwaan na napasairarom kan mga Amerikano sa Camarines Sur.

Pampolitikal na nababanga an Calabanga sa 48 na mga barangay, nasa lugar nin urban an kag-apat (14) mantang an natatadang 34 na mga barangay nababali sa lugar na rural. Igwa ining 11 na mga barangay na nasa baybayon.

• 
  An simbahan kan Calabanga 2018
• 
  An simbahan katoliko sa sentro kan Calabanga, Camarines Sur
• 
  An simbahan katoliko sa Quipayo, Calabanga
• 
  Estatuwa ni Emilio Tible
• 
  Isla sa Bonot-Sta. Rosa

Halangkaw an lebel kan literacy sa banwaan na uminabot sa 98.5%. An survey kan NSO kaidtong taong 2000 para sa populasyon kan kagharungan. An 29,555 kan pupolasyon kaini yaon sa elementarya; an15,037 yaon sa halangkaw na eskwelahan; Igwa sanan nin 2,623 o 0.045% kan populasyon an mayong grado na nakumpleto. 4, 446 kan pupolasyon an yaon sa kolehiyo; 1,057 kan pupolasyon gradwado sa kolehiyo, asin may 201 na may post baccalaureate degrees.

Igwang 38 pampublikong hababang eskwelahan sa bilog na banwaan; walong halangkaw na eskwelahan; sarong bokasyonal asin limang pribadong eskwelahan na nag-aalok nin pre-school, grade school asin high school. An pag-eskwela sa kolehiyo pigtatao kan duwang institusyon na pag-sasadiri kan gobyerno, an Calabanga Community College asin an Central Bicol State University of Agriculture-Calabanga (dating: CSSAC - Calabanga) asin igwa man nin mga pribadong eskwelahan nin Computer, an saro sa mga ini nag-aalok nin multi-grade na pag-aadal Hali sa elementarya sangkud sa kolehiyo na iyo an Malayan Computer College.

• Tinambac Poon pa kan 1988
• Cabusao Poon pa kan 1999
• Bombon Poon pa kan 2000
• Siruma Poon pa kan 2017
• Libmanan Poon pa kan 2013
• Mercedes, Camarines Norte Poon pa kan 2015
• Pili Poon pa kan 1980
• Mariveles, Bataan Poon pa kan 2016
• Legazpi, Albay Poon pa kan 2007
• Sipocot Poon pa kan 2010
• Lucena, Quezon Poon pa kan 2019
• Syudad nin Pasig Poon pa kan 2001

• San Leandro, California Poon pa kan 2017
• Tuaran, Sabah Poon pa kan 2018
• Depok Poon pa kan 2012

• Emilio M. Tible

• PhilAtlas.com
• Philippine Standard Geographic Code
• Local Governance Performance Management System
• Calabanga Group - goBicol Archived 2008-05-21 at the Wayback Machine.

Sarong saringsing an artikulong ini. Makakatabang ka sa Bikol Wikipedia sa pagparambong kaining pahina.