PROFILPELAJAR.COM

Antonio Bermejo Chavez
Antonio Bermejo Chavez
Personal na mga detalye
Kamundagan	Desyembre 15, 1960; San Jose, Camarines Sur
Nasyunalidad	Filipino
Agom	Cristita Paron Chavez
Mga aki	Vincent, Marco, Kristine, Ciri-Ann, Paolo Antonio
Dinakulaan	Sitio Bongliw, Brgy. Pugay, San Jose, Camarines Sur
Alma mater	University of the East
Kasibotan	Local Chief Executive
Trabaho	Broadcaster, Public Relations Practitioner
Pagtubod	Romano Katoliko
Websityo	https://web.facebook.com/MayorABC/

Si Antonio Bermejo Chavez (Disyembre 15, 1960 - ) iyo an presenteng alkalde kan San Jose, Camarines Sur.

Siya nagtapos nin elementarya sa San Jose Central School asin nagpadagos nin sekondarya sa Camarines Sur State Agricultural College ngunyan iyo an Central Bicol State University of Agriculture (CBSUA).

Dara sana an makusog na pagtubod sa Diyos asin bilog na determinasyon tanganing makapagtapos kan saiyang Edukasyon sa kolehiyo labaw sa mga nakakapugol na pinansyal na pangangaipo na iyo pirme an nakakasagabal saiya tanganing makapagtapos nin kolehiyo, saiyang naipagpadagos an saiyang Batsilyer de Arte sa Siyensiya Politikal sa Technical Institute of the Philippines (TIP) asin University of the East (UE) bilang sarong estudyante na sinusuportaran an sadire.

Saiyang pinapahalagahan an Edukasyon nin sobra siring sa sarong kayamanan na dae makukua o mapupura tulos. Iyo ini an rason kun tadaw ta bilang Pinakapamayong Lokal na Ehekutibo kan San Jose, nag-alokar siya nin mga pundo para sa saiyang programa sa pagpapa-eskuwela para sa mga pobre alagad maninigong mga estudyante. Mala ngani, ini an saiyang pinakamawot na magkakaigwa nin sarong graduwado sa kolehiyo sa kada pamilya tanganing magtindog bilang sarong pangarugan kan iba.

Bilang sarong estudyante, siya aktibong gayo sa manlaen-laeng panluwas sa akademikong mga aktibadades na iyo an horno saiya na magin sarong responsableng hoben asin lider nin mga estudyante na igwa nin tunay na pagmato para sa karahayan kan iba.

Siya dating pamayo kan Kabataang Barangay sa Metro Manila poon 1983 hanggan 1984. Saiyang naresibe an prestihiyosong onra bilang sarong Pinakamatibay na Estudyanteng Lider kan Taon 1983 na pinagtao ni dating President Ferdinand E. Marcos sa Palasyo Malakanyang.

Bilang sarong estudyanteng lider, siya nakapag-atendir na nin nagkapirang training asin mga kumperensiya sa luwas kan nasyon:

Youth Training Conference in 1983
Head of Youth and Students’ delegation during the International Youth Year in Moscow, Russia in 1984 and 1985
Head of Youth and Students’ leaders in Prague, Czechoslovakia in 1984.

Bilang sarong serbidor kan publiko, siya nagkaigwa kan mga minasunod na nagkaginiribohan:

10 taon bilang Barangay Captain kan Brgy. Pugay
5 taon bilang Presidente kan Liga nin mga Barangay
2 taon bilang Political Officer kan Kabataang Barangay National Secretariat na pinamayuhan kaidto asin ngunyan Gobernador Imee Marcos
Dating Sekretaryo kan Alkalde kaidto sa panahon ni Mayor Ciriaco San Jose

Asin sa pribadong propesyon, siya sarong

Brodkaster asin Public Relations practitioner

Poon 2010 sagkod sa presente bilang sarong Alkalde Munisipal kan San Jose, siya nakapagguno nin nagkapirang prestihiyosong honra; asin sa pampulitikal na historiya kan San Jose, siya pa sana an pinaka-enot na Pamayong Ehekutibo sa Lokal an nakaresibe nin kadakol na mga honra.

Nin huli kan saiyang pinakamatibay na kaggibohan asin tunay na pagmato mapanungod sa progreso asin pag-asenso kan banwaan, siya nakapagresibe kan minasunod na mga honra para sa Yunit kan Lokal na Gobyerno nin San Jose:

2014 Seal of Good Local Governance for Good Financial Housekeeping
Department of Health National Awardee on Outstanding Local Health Governance.
5th Salud Bicolnon Awardee-Best Implementer of National TB Control Program, a Department of Health Regional Award, given in Legazpi City on December 12, 2014.
Seal of Child Friendly Local Governance, given by the Council for the Welfare of Children and DSWD in Legazpi City on December 5, 2014.
Sandugo Local Government Executive Award, a Department of Health Regional Award given by the Center for Health Development-Bicol, 2012 & 2013
Most Business Friendly Municipality, Provincial Capitol Complex, Pili, Camarines Sur, December 3, 2012
Seal of Good Housekeeping-Good Governance, Department of Interior and Local Government, 2011
Top Performer on Economic Enterprises among 4th Class Municipalities in the Bicol Region, Bureau of Local Government Finance Region V, May 2011