Higo (jap. : 肥後国, Higo no kuni) woa oane vo de Provinzn vo Japan im Gebiet vo da heiting Prefektua Kumamoto af da Insl Kyūshū. Higo hod on: Chikugo, Bungo, Hyūga, Ōsumi und Satsuma grenzd.

De Provinz is aus da Afspoitung vo da Provinz Hi in de Provinzn: Hizen („Voada-Hi“) und Higo („Hinta-Hi“) entstondn. Beide Lenda zamm san dohea spada aa ois Hishū (: 肥州, dt.: „Hi-Provinzn“), Nihi (: 二肥, dt.: „de zwoa Hi“) und Ryōhi (: 両肥, dt.: „de zwoa Hi“) bezeichnd worn. Zan easchtn Moi is Higo uma 696 im Shoku Nihongi eawehnd worn.

De Provinzhaptstädt (kokufu) vo Higo hom se woih im heiting Kumamoto bfundn. Weahnd da Muromachi-Zeit is Higo van Kikuchi-Clan ghoidn worn. Diesa is jedoch in da Sengoku-Zeit enteingd, und de Provinz duach de Herrscha vo da benochboadn Gebiete okkupiad worn, wia z. B. den Shimazu aus da Provinz Satsuma. Schliassli hod Toyotomi Hideyoshi de Insl Kyūshū ogriffn und hod Higo seine Gfoigsleit Sasa Narimasa und spada Kato Kiyomasu iwalossn.

In da Sengoku-Zeit woa Higo a bedeitnds Zentrum van Kristntum in Japan. Duat hod se aa da Samurai Miyamoto Musashi af Eihlodung van Daimyō afghoidn, weahnd ea sei Buach vo de Fimf Ringe featiggstejd hod.

32.6875130.8675Koordinaten: 32° 41′ N, 130° 52′ O