Pontigo (Hochdeitsch: St. Pantaleon) is a Gmoa im owaestaraichischn Innviadl, im Grichtsbezirk Mattighofa, im Bezirk Braunau om Inn, mid 3.063 Aiwona (2016).
Gschicht
Said da Grindung vom Herzogtum Bayan is da Ort bis 1780 boarisch gwesn und is noch 'm Friedn vo Teschen mid 'm Innviadl (domois Innbaian) z' Estaraich kemma. Wärnd da naoleonischn Kriag is wieda kurz boarisch gwesn und hod ob 1814 entgüitig z' owaestaraich ghert.
Geografie
Pontigo liegd auf 436 m ü. A. im Innviadl. D' Ausdenung betrogd vo Nord noch Süd 7,5 km, vo West noch ost 5,7 km. De Gsomtflächn betrogt 18,2 km². 23,6 % vo da Flächn san bewoidet, 63,7 % vo da Flächn san londwirtschoftlich gnuzzt. Da klooane, owa durch soai Log in ooana bewoidatn Senkn sear schê gleegane Hellarasee is beliabt bai Bodefraind, Fischan und Aislaifa. Im Gmoagebiet liegan fümf Hoitestöin vo da S-Boo Soizburg (S11 Birmos-Trimmekom).
Katastraigmoana
Katastraigmoana bzw. Oatsteil vo da Gmoa san: Hollaschbo (Hollersbach), Kirchberg (Kirchberg), Laumbo (Laubenbach), Liadaschdorf (Loidersdorf), Müibo (Mühlbach), Pira (Pirach), Rait (Reith), Riadaschbo (Riedersbach), Roidhom (Roidham), Pontigo (St. Pantaleon), Seelaidn (Seeleiten), Stuiwoog (Steinwag), Stogghom (Stockham), Trimmekom (Trimmelkam), Wüidhuad (Wildshut). Waidas gibt s Siadlungen mid aiganen Bezaichnungen de ooana oda zwoa Ortschoftn zuagrechnet wern, wia Aifading (Eiferding), Estalou (Österloh), Söihom (Söllham), Bichling (Bichling) und Vurdaberga Siadlung (Vorderberger Siedlung).
